ပန်းတောင်းမြို့နယ် လူထုအခြေပြုဗဟိုဌာနခန်းမ၌ နွေရာသီ အခြေခံအင်္ဂလိပ်စာသင်တန်းကို မတ်လ ၅ ရက်မှ ၃၁ ရက်အထိ ဖွင့်လှစ်သင်ကြားပေးမည်ဖြစ်သည်။ ကလေးသူငယ်များ အချိန်ကို အကျိုးရှိစွာ အသုံးချနိုင်စေရန်နှင့် အင်္ဂလိပ်စာကို ငယ်ရွယ်စဉ်ကပင် အခြေခံကျကျ တတ်မြောက်စေရန် ရည်ရွယ်ပြီး အခမဲ့သင်ကြားပေးခြင်းဖြစ်သည်။ တက်ရောက်လာသည့် ကလေးသူငယ်များအား စာအုပ်နှင့် ဘောပင်များ အခမဲ့ပေးဝေခဲ့သည်။ အဆိုပါသင်တန်းသို့ အထက(ပန်းတောင်း)၊ အမက(လွန်) ဝန်လိုနှင့် ကြခတ်တို့မှ အလယ်တန်းအဆင့် ကျောင်းသား/သူ ၃၀ တက်ရောက်သင်ကြားမည်ဖြစ်သည်။
