၂၀၂၄-၂၀၂၅ ဘဏ္ဍာရေးနှစ်တွင် အသက် ၈၅ နှစ်နှင့်အထက် သက်ကြီးဘိုးဘွား တစ်သိန်းကျော်အား ၃ လတစ်ကြိမ် ငွေကြေးထောက်ပံ့ပေးနေကြောင်း လူမှုဝန်ထမ်းကယ်ဆယ်ရေးနှင့် ပြန်လည်နေရာချထားရေးဦးစီးဌာနမှ သိရသည်။ လူမှုရေးပင်စင်အစီအစဉ်အရ တစ်ဦးလျှင် တစ်လ ကျပ်တစ်သောင်းနှုန်းဖြင့် မြန်မာ့စီးပွားရေးဘဏ်မှတစ်ဆင့် ထောက်ပံ့ပေးမည်ဖြစ်ပြီး၊ အကျုံးဝင်သူများအနေဖြင့် ရပ်ကွက်/ကျေးရွာ အုပ်ချုပ်ရေးမှူးများနှင့် လူမှုဝန်ထမ်းရုံးများတွင် စာရင်းပေးသွင်းနိုင်ကာ နိုင်ငံသားစိစစ်ရေးကတ်ပြ၍ ထုတ်ယူနိုင်ကြောင်း သိရသည်။
