မတ်လ ၅ ရက် နံနက် ၄ နာရီ ၃၅ မိနစ်နှင့် ၄ နာရီ ၅၄ မိနစ်တို့တွင် ရန်ကုန်မြို့နှင့် ဧရာဝတီတိုင်းဒေသကြီးတို့၌ အင်အားရစ်(ခ်)တာစကေး ၅.၁ အဆင့်ရှိ အင်အားအသင့်အတင့်ရှိသော မြေငလျင် ၂ ကြိမ်လှုပ်ခတ်ခဲ့ပြီး လှုပ်ခတ်မှုဒဏ်ကို သိသိသာသာခံစားခဲ့ရကြောင်း ဒေသခံများက ပြောကြားသည်။ မိုးလေဝသနှင့် ဇလဗေဒညွှန်ကြားမှုဦးစီးဌာန၏ ထုတ်ပြန်ချက်အရ ငလျင်ဗဟိုချက်သည် ညောင်တုန်းမြို့အရှေ့တောင်ဘက် ၆ မိုင်ခန့်အကွာတွင် တည်ရှိပြီး အနက် ၁၀ ကီလိုမီတာရှိကြောင်း သိရသည်။
