ထိုင်းနိုင်ငံ၊ ကန်ချနဘူရီခရိုင်၊ ထောင်ဖာဖှုန်မြို့နယ်တွင် မတ်လ ၄ ရက်နေ့ နံနက်ပိုင်းက တရားမဝင်ဝင်ရောက်လာသော အထောက်အထားမဲ့ မြန်မာနိုင်ငံသား ၁၄ ဦး (အမျိုးသား ၁၂ ဦး၊ အမျိုးသမီး ၂ ဦး) ကို ထိုင်းအာဏာပိုင်များက ဖမ်းဆီးခဲ့ပြီး နေရပ်ပြန်ပို့မည်ဟုဆိုသည်။ ၎င်းတို့သည် ထိုင်းနိုင်ငံတွင် အလုပ်လုပ်ရန်အတွက် ပွဲစားခတစ်ဦးလျှင် ဘတ် ၂၀,၀၀၀ စီပေး၍ ဘုရားသုံးဆူဘက်မှ ဝင်ရောက်လာခြင်းဖြစ်ပြီး၊ ကားမောင်းသူမှာ စစ်ဆေးစဉ် ထွက်ပြေးသွားခဲ့သည်။ ဖမ်းဆီးခံရသူများကို ထောင်ဖာဖှုန်ရဲစခန်းတွင် ထိန်းသိမ်းထားပြီး တရားမဝင်ဝင်ရောက်မှုဖြင့် အမှုဖွင့်ကာ ဥပဒေအရ အရေးယူပြီးပါက နယ်စပ်မှတစ်ဆင့် မြန်မာနိုင်ငံသို့ ပြန်လည်ပို့ဆောင်သွားမည်ဟု သိရသည်။
