ဆိုဗီယက်စစ်တုရင် ဂရန်းမာစတာ စပါစကီ ၈၈ နှစ်တွင် ကွယ်လွန်

'Match of the Century' လို့ခေါ်တဲ့ စိန်ခေါ်ပွဲမှာ ရှုံးနိမ့်ခဲ့သူ ဆိုဗီယက် စစ်တုရင် ဂရန်းမာစတာ ဘောရစ် စပါစကီ (Boris Spassky)ဟာ အသက် ၈၈ နှစ်မှာ ကွယ်လွန်သွားပြီဖြစ်ကြောင်း ရုရှား စစ်တုရင်အဖွဲ့ချုပ်က ဖေဖော်ဝါရီ ၂၇ ရက်မှာ ကြေညာခဲ့ပါတယ်။ ဆယ်ယောက်မြောက် ကမ္ဘာ့ချန်ပီယံ ဘောရစ် စပါစကီဟာ အသက် ၈၈ နှစ်မှာ ကွယ်လွန်သွားခဲ့ပါပြီ။ ဒါဟာ တိုင်းပြည်အတွက် ကြီးမားတဲ့ ဆုံးရှုံးမှုပါလို့ ရုရှား စစ်တုရင်အဖွဲ့ချုပ်က သူတို့ ဝက်ဘ်ဆိုက်မှာ ထုတ်ပြန်ခဲ့တာပါ။ သူဘယ်အချိန်မှာ ကွယ်လွန်သွားတယ်၊ ဘာအကြောင်းကြောင့် ကွယ်လွန်သွားတယ်ဆိုတာကိုတော့ ထုတ်ပြန်ချက်မှာ အတိအကျ ဖော်ပြမထားပါဘူး။