မြန်မာနိုင်ငံရုပ်ရှင်အစည်းအရုံး ၂၀၂၄ ခုနှစ် မြန်မာ့ရုပ်ရှင်ထူးချွန်ဆုရရှိသူများနှင့် ကူညီပံ့ပိုးပေးသူများအား ရန်ကုန်မြို့၌ဂုဏ်ပြုပွဲအခမ်းအနားကျင်းပ

မြန်မာနိုင်ငံ ရုပ်ရှင်အစည်းအရုံး ၂၀၂၄ ခုနှစ် မြန်မာ့ရုပ်ရှင်ထူးချွန်ဆုရရှိသူများနှင့် ကူညီပံ့ပိုးပေးသူများအား ဂုဏ်ပြုပွဲအခမ်းအနားကို ဖေဖော်ဝါရီ ၂၆ ရက်နေ့ ညပိုင်းတွင် ရန်ကုန်တိုင်းဒေသကြီး ရန်ကင်းမြို့နယ်ရှိ Myawady Media Centre ၌ကျင်းပခဲ့သည်။အခမ်းအနားတွင် မြန်မာနိုင်ငံရုပ်ရှင်အစည်းအရုံးဥက္ကဋ္ဌ ဦးကြည်စိုးထွန်းက ကျေးဇူးတင်ဂုဏ်ပြုစကား ပြောကြားခဲ့ပြီး မြန်မာနိုင်ငံရုပ်ရှင်အစည်းအရုံးဥက္ကဋ္ဌနှင့် တာဝန်ရှိသူများက ထူးချွန်ဆုပေးပွဲတွင် ပါဝင်ကူညီပံ့ပိုးသူများအား အမှတ်တရ ဂုဏ်ပြုလက်ဆောင်များပေးအပ်ကြသည်။