ရန်ကုန်တိုင်းဒေသကြီး၊အင်းစိန်မြို့နယ် ဗဟိုလမ်း ၅၀ ကွေ့ မီးပွိုင့်အနီး၌ လိုင်စင်မဲ့ Toyota Alphard ယာဉ်တစ်စီးဖမ်းမိခဲ့

ဖေဖော်ဝါရီ၂၅ရက်တွင်ရန်ကုန်တိုင်းဒေသကြီး တရားမဝင်ကုန်သွယ်မှု တိုက်ဖျက်ရေးအထူးအဖွဲ့၏ စီမံခန့်ခွဲမှုဖြင့် တာဝန်ကျပူးပေါင်းအဖွဲ့များက စစ်ဆေးမှုများဆောင်ရွက်ခဲ့ရာ အင်းစိန်မြို့နယ် ဗဟိုလမ်း ၅၀ ကွေ့ မီးပွိုင့်အနီး၌ လိုင်စင်မဲ့ Toyota Alphard ယာဉ်တစ်စီး (ခန့်မှန်းတန်ဖိုး ငွေကျပ် ၉,၅၀၀,၀၀၀) ကို ပို့ကုန်သွင်းကုန်ဥပဒေအရလည်းကောင်း၊ မင်္ဂလာဒုံမြို့နယ် ရဲစုတောင်ရပ်ကွက် မြို့ရှောင်လမ်း အမှတ် (အေ-၁၉) ခြံဝင်းအတွင်း၌ တရားမဝင်စက်သုံးဆီ ဒီဇယ်ဆီ ၁၉၂ ပီပါ၊ ဓာတ်ဆီပီပါ ၁၆၀ (ခန့်မှန်းတန်ဖိုးငွေကျပ် ၂,၃၇,၅၉၂,၀၀၀) ကို ရေနံနှင့်ရေနံ ထွက်ပစ္စည်းဆိုင်ရာဥပဒေအရလည်းကောင်း စုစုပေါင်းခန့်မှန်းတန်ဖိုး ငွေကျပ် ၂,၄၇,၀၉၂,၀၀၀)ကို သိမ်းဆည်းအရေးယူ ဆောင်ရွက်လျက်ရှိပါတယ်။