Apple သည် ထုတ်လုပ်ခြင်းအစား ဈေးမမြင့်သည့် မော်ဒယ်ကို ယခင်က iPhone SE အမည်ဖြင့် ထုတ်လုပ်ခဲ့ရာမှ ယခုနှစ်တွင် iPhone 16 စီးရီးဝင်အဖြစ် iPhone 16e အမည်ဖြင့် ထုတ်လုပ်လိုက်ပြီး အရွယ်အစားကို SE ထက် ပိုကြီးပေးထားသည်။ Apple Intelligence ပါသော iPhone များတွင် $599 ဖြင့် ရောင်းချသည့် 16e သည် ဈေးအသက်သာဆုံးဖြစ်သည်။ Apple ၏ ပထမဆုံး 5G မိုဒမ်ချစ်ပ်ကို 16e တွင် ပထမဆုံး အသုံးပြုထားခြင်းဖြစ်သည်။ ၎င်းချစ်ပ်ကို C1 ဟု အမည်ပေးထားသည်။ C1 မိုဒမ်ချစ်ပ်သည် ဘက်ထရီ ပိုကြာကြာခံသည်ဟု Apple က ဆိုသည်။ ထို့ပြင် 16e ကို အရွယ်ပိုကြီးသည် ဘက်ထရီ ထားသိုနိုက်ရန် ဒီဇိုင်းထုတ်ထားသည်။ ဗီဒီယို ဆက်တိုက်ကြည့်လျှင် တရက်ကျော်ကြာသည့် ၂၆ နာရီအထိ ကြည့်နိုင်စေသည်ဟု Apple က ဆိုသည်။
