ကရင်ပြည်နယ်၊ လိပ်သိုဒေသရှိ ကျေးရွာအများအပြားမှ တောင်သူများမှာ နနွင်းများကို တစ်နိုင်တစ်ပိုင်သော် လည်းကောင်း၊ စီးပွား ဖြစ်သော်လည်းကောင်း စိုက်ပျိုးထားကြပြီး နနွင်းများ တွင်ကျယ်စွာ တူးဖော် သိုလှောင်ရောင်းဝယ်ချိန် နနွင်းခြောက်များ ဈေးနှုန်းမြင့်တက်ရရှိလာကြောင်း သိရသည်။လိပ်သိုမြို့ပေါ်၌ ယခင်လက နနွင်းအခြောက်တစ်ပိဿာလျှင် (၇၀၀ဝိ/-) ကျပ်မှ (၉၀၀ဝိ/-) ကျပ် အထိသာ ဈေးရရှိခဲ့သော်လည်း ယခုလတွင် နနွင်းအခြောက်တစ်ပိဿာလျှင် နနွင်းအရည်အသွေးပေါ်မူတည်၍ (၈၀၀ဝိ/-) ကျပ်မှ (၁၁၀၀ဝိ/-) ကျပ်အထိ ဈေးပေးဝယ်ယူ လျက်ရှိနေကြောင်း သိရသည်။ယခုနှစ်တွင် နနွင်းခြောက်များ ဈေးကောင်း ရရှိနေသဖြင့် သိုလှောင်ရောင်းဝယ်သူများနှင့် နနွင်းစိုက်တောင်သူများ အဆင်ပြေလျက်ရှိနေကြောင်း သိရသည်။
