မြန်မာနိုင်ငံတော်ဗဟိုဘဏ်က နိုင်ငံခြားငွေကြေးဈေးကွက် (FX Trading Platform) မှတစ်ဆင့် အမေရိကန်ဒေါ်လာ ၂၃ သန်းနှင့် ထိုင်းဘတ် ၁၅၀ သန်း ကို စက်သုံးဆီလုပ်ငန်းရှင်များထံ ရောင်းချပေးမည် ဟု ကြေညာသည်။ သို့သော် သတ်မှတ်ငွေလဲနှုန်းကို သီးခြားဖော်ပြခြင်းမရှိ ဘဲ ဖေဖော်ဝါရီ ၂၄ ရက်နေ့ FX Trading Platform တွင် ဒေါ်လာ ၁ ချပ် = ၃၅၉၄ ကျပ်၊ ထိုင်းဘတ် ၁ ချပ် = ၁၃၁.၅ ကျပ် အဖြစ် သတ်မှတ်ထားသည်။ ယင်းအရောင်းမှုပြုလုပ်ခြင်းသည် နိုင်ငံတွင်း စက်သုံးဆီဈေးနှုန်း ထိန်းချုပ်ရေးနှင့် နိုင်ငံခြားငွေလဲနှုန်း တည်မြဲရေး ရည်ရွယ်သည် ဟု စီးပွားရေးသုံးသပ်သူများကဆိုသည်။
