Alphabet ကုမ္ပဏီမှ Google (GOOGL.O) ရှာဖွေရေးအင်ဂျင်သည် မူရင်းအကြောင်းအရာများအတွက် လိုအပ်ချက်ကို လျော့နည်းစေပြီး ၎င်း၏ AI မှထုတ်ပေးသော အပေါ်ယံသုံးသပ်ချက်များဖြင့် ထုတ်ဝေသူများ ယှဉ်ပြိုင်နိုင်စွမ်းကို ထိခိုက်စေကြောင်း ကယ်လီဖိုးနီးယားပြည်နယ်၊ ဆန်တာကလာရာမြို့အခြေစိုက်
အမေရိကန်ပညာရေးနည်းပညာကုမ္ပဏီ Chegg (CHGG.N) မှ ဖေဖော်ဝါရီ၂၄ရက်၊တနင်္လာနေ့တွင် တရားစွဲချက်တင်သွင်းခဲ့ပါတယ်။ပြဋ္ဌာန်းစာအုပ်ငှားရမ်းခြင်း၊ အိမ်စာကူညီပေးခြင်းနှင့် သင်ကြားမှုဝန်ဆောင်မှုများ ပေးသည့် အွန်လိုင်းပညာရေးကုမ္ပဏီ Chegg က ၎င်း၏တရားစွဲဆိုမှုတွင် Google သည် ထုတ်ဝေသူများ၏အကြောင်းအရာများကို အသုံးချကာ ၎င်း၏ဝက်ဘ်ဆိုက်ပေါ်တွင် အသုံးပြုသူများကို ထိန်းထားပြီး ထုတ်ဝေရန် စီးပွားရေးဆွဲဆောင်မှုများကို ဖျက်သိမ်းလျက်ရှိကြောင်း ဖော်ပြခဲ့ပါတယ်။
