ရန်ကုန်တိုင်းဒေသကြီး မြို့နယ်အချို့တို့တွင် ယနေ့ ဖေဖော်ဝါရီ (၂၄)ရက်၊ နံနက်ပိုင်းက အချိန်အခါမဟုတ် နေရာကွက်ကျား ရွာသွန်းခဲ့ကြောင်း ဒေသခံများထံမှ သိရသည်။အဆိုပါ မိုးရွာသွန်းရာတွင် ရွှေပြည်သာမြို့နယ်၊ အင်းစိန်မြို့နယ်၊ လှိုင်သာယာမြို့နယ် အပါအဝင် မြို့နယ်အချို့တို့တွင် နေရာကွက်ကျား မိုးရွာသွန်းခဲ့ကြောင်း ဒေသခံများထံမှ စုံစမ်း သိရသည်။“မနက် စောစောက မိုးရွာတာ ဟုတ်တယ်။ အချိန်အခါမဟုတ် ရွာတယ်လို့ ပြောရမယ်။ မိုးက ဖွဲဖွဲပဲရွာတာပေါ့။ အလုပ်သွားချိန်ကြီး ရွာမယ် မထင်ထားတော့ ထီးတွေ ဘာတွေလည်း မဆောင်ထားမိတော့ နဲနဲတော့ အခက်တွေ့ခဲ့တယ်”ဟု ရွှေပြည်သာမြို့တွင် နေထိုင်သူ တစ်ဦးက ပြောသည်။



