စာချစ်သူ မေလေးခင်(တော်ဝင်ပန်း)၏ အသက်(၈၁)နှစ်ပြည့် မွေးနေ့အမှတ်တရ "ပန်းတစ်ခက်ဆင်မြန်း တော်ဝင်ပန်း"စာပဒေသာစုစည်းမှု စာအုပ်မိတ်ဆက်ပွဲကို ဖေဖော်ဝါရီ ၂၃ ရက်၊ နံနက် ၉ နာရီက ရန်ကုန်တိုင်းဒေသကြီး၊ တောင်ဥက္ကလာပမြို့နယ်၊ ၁၄/၁၅ လမ်းဆုံရှိ ဝဇီရာသဘ သာသနာ့ရိပ်ကျောင်းတိုက်တွင် ကျင်းပခဲ့ရာ အခမ်းအနားကို အစီအစဥ်နှစ်ရပ်ဖြင့် ကျင်းပပြုလုပ်ခဲ့ကြောင်း သိရသည်။အခမ်းအနားသို့ နိုင်ငံကျော် စာပေပညာရှင်များ၊ ဝါရင့်စာပေပညာရှင်များ၊ ဝါရင့်စာနယ်ဇင်းများ၊ စာပေချစ်မြတ်နိုးသူများ၊ သရုပ်ဆောင်နှင့် အဆိုတော်များလည်း တက်ရောက်ခဲ့ပြီး အခမ်းအနားမှူးအဖြစ် ချစ်ခြင်းအက္ခရာစာစဥ်အဖွဲ့ အယ်ဒီတာ ဆရာမတင်တင်(ရန်ကုန်)နှင့် ချစ်ခြင်းအက္ခရာစာစဥ်အဖွဲ့ အယ်ဒီတာ ဆရာမမိုးမိုးသင်းပတ္တမြားမြေတို့က ဆောင်ရွက်ပေးခဲ့ကြောင်း သိရသည်။စာချစ်သူ မေလေးခင်(တော်ဝင်ပန်း) အသက်(၈၁)နှစ်ပြည့် မွေးနေ့အမှတ်တရ "ပန်းတစ်ခက်ဆင်မြန်း တော်ဝင်ပန်း" စာပဒေသာစုစည်းမှု စာအုပ်ကို မတ်လတွင် မြန်မာပြည်တစ်ဝန်းသို့ ထုတ်ဝေဖြန့်ချိသွားမည်ဖြစ်ပြီး ၄င်းစာအုပ်တန်ဖိုးမှာ ကျပ် ၇၀၀၀ဖြစ်သည်။



