မလေးရှား တစ်နိုင်ငံလုံးရှိ နေရာ ၁၁ ခုတွင် လေထုအရည်အသွေး ကျန်းမာရေးအတွက် မကောင်းသည့် အဆင့်သို့ ရောက်ရှိလာ

မလေးရှားနိုင်ငံ ပတ်ဝန်းကျင်ထိန်းသိမ်းရေး ဌာန၏ လေထုထုညစ်ညမ်းမှု ညွှန်းကိန်း စနစ် (APIMS) ၏ ထုတ်ပြန်ချက်အရ မလေးရှားတစ်နိုင်ငံလုံးရှိ နေရာ ၁၁ ခုတွင် လေထုအရည်အသွေးသည် ကျန်းမာရေးအတွက် မကောင်းသည့် အဆင့် (Unhealthy level) သို့ ရောက်ရှိနေပြီး စာရာဝက်ပြည်နယ် (Sarawak) သည် ထိခိုက်မှု အဆိုးရွားဆုံး ဖြစ်နေသည်။ဩဂုတ်လ ၁၃ ရက် နံနက် ၉ နာရီအထိ စာရင်းများအရ စာရာဝက်ပြည်နယ်၏ ဆာမာရာဟန် (Samarahan) ဒေသတွင် လေထုထုညစ်ညမ်းမှု ညွှန်းကိန်း (API) ၁၈၃ အထိ မြင့်တက်ကာ တစ်နိုင်ငံလုံးတွင် အမြင့်ဆုံး ဖြစ်ခဲ့ပြီး ဆီရီယန် (Serian) ၌ ၁၈၂ နှင့် ကူချင်း (Kuching) ၌ ၁၇၆ အသီးသီး ရှိခဲ့သည်။ စာရာဝက်ပြည်နယ်ရှိ စာရီကေး၊ သရီအာမန်၊ မူးကားနှင့် ဆီဘူး ဒေသများအပါအဝင် စာရင်းဝင် ၇ နေရာလုံးတွင် လေထုအရည်အသွေး ဆိုးရွားလျက်ရှိသည်။ထို့အပြင် မလေးရှားကျွန်းဆွယ်ဘက်တွင်လည်း ဆလန်းဂေါပြည်နယ်ရှိ ဂျိုဟန်ဆီတီယာ (Johan Setia) ၌ ၁၅၄၊ ကွာလာလမ်ပူတွင် ၁၃၁၊ ပူထရာဂျာယာတွင် ၁၀၄ နှင့် ရှားအလမ်တွင် ၁၀၁ အသီးသီး ရှိခဲ့သည်။ အာဏာပိုင်များက သက်ကြီးရွယ်အိုများ၊ ကလေးသူငယ်များနှင့် အသက်ရှူလမ်းကြောင်း ဝေဒနာရှင်များကို အပြင်ထွက်ခြင်း လျှော့ချရန်နှင့် နှာခေါင်းစည်း သတိထား တပ်ဆင်ကြရန် နှိုးဆော်ထားသည်။