လာအို နိုင်ငံပိုင် လျှပ်စစ်ဓာတ်အားလုပ်ငန်း ၂၀၂၆ ခုနှစ် ပထမနှစ်ဝက်အတွင်း ဝင်ငွေ ၉.၄ ရာခိုင်နှုန်း တိုးတက်လာ

လာအို နိုင်ငံပိုင် လျှပ်စစ်ဓာတ်အားလုပ်ငန်း (Electricité du Laos - EDL) ၏ ၂၀၂၆ ခုနှစ် ပထမ ၆ လပတ် ဘဏ္ဍာရေးအစီရင်ခံစာအရ ဝင်ငွေစုစုပေါင်းသည် ပြီးခဲ့သည့်နှစ် ကာလတူထက် ၉.၄ ရာခိုင်နှုန်း တိုးတက်လာကြောင်း ထုတ်ပြန်လိုက်သည်။ဒေသတွင်းနှင့် ပြည်တွင်း လျှပ်စစ်ဓာတ်အား လိုအပ်ချက် တိုးတက်လာခြင်း၊ အိမ်နီးချင်း နိုင်ငံများသို့ လျှပ်စစ်ဓာတ်အား ပိုမို တင်ပို့ရောင်းချနိုင်ခြင်းနှင့် စာရင်းကောက်ခံမှု စနစ်များကို အဆင့်မြှင့်တင်လိုက်ခြင်းတို့ကြောင့် ယခုကဲ့သို့ ဝင်ငွေတိုးတက်လာခြင်းဖြစ်သည်။လာအိုအစိုးရသည် EDL လုပ်ငန်း၏ အကြွေးနွံများကို လျှော့ချရန်နှင့် စီမံခန့်ခွဲမှု စနစ်များ ပြုပြင်ပြောင်းလဲရန် ဆောင်ရွက်လျက်ရှိပြီး၊ ယခု ဝင်ငွေတိုးတက်လာမှုသည် နိုင်ငံ၏ စွမ်းအင်ကဏ္ဍ ရေရှည်တည်တံ့ရေးအတွက် ကောင်းမွန်သည့် အလားအလာတစ်ခု ဖြစ်ကြောင်း သုံးသပ်ထားကြသည်။