ဗီယက်နမ်၊ ဗွန်တောင်းမြို့ လွန်တောင်ပေါ်ရှိ တောမီးကာကွယ်ရေး လမ်းကြောင်းသစ် ခရီးသွားများကြား ရေပန်းစားသည့် တောင်တက်လမ်း ဖြစ်လာ

ဗီယက်နမ်နိုင်ငံ၊ ဗွန်တောင်းမြို့ (Vung Tau) ရှိ လွန်တောင် (Big Mountain) ပေါ်တွင် တောမီးလောင်ကျွမ်းမှု ကာကွယ်ရန်အတွက် ဖောက်လုပ်ခဲ့သည့် ၁၀ ကီလိုမီတာကျော် ရှည်လျားသော တောမီးတားလမ်းကြောင်း (Firebreak) သည် ဖွင့်လှစ်ပြီး အချိန်တိုအတွင်း ဒေသခံများနှင့် ခရီးသွားများအကြား ရေပန်းစားသည့် တောင်တက် တောလမ်းကြောင်းတစ်ခု ဖြစ်လာခဲ့သည်။အဆိုပါ လမ်းကြောင်းကို တောမီးလောင်ပါက အရေးပေါ် မီးငြှိမ်းသတ်ရေး ယာဉ်များနှင့် ဝန်ထမ်းများ အမြန်ဆုံး သွားရောက်နိုင်ရန် ရည်ရွယ်၍ မေလကုန်တွင် စတင်ဖောက်လုပ်ခဲ့ပြီး ဇူလိုင်လကုန်၌ ဖွင့်လှစ်ခဲ့ခြင်းဖြစ်သည်။ သို့သော် လမ်းကြောင်းတစ်လျှောက် သဘာဝအတိုင်း သစ်တောအလှတရားများ၊ ရှေးဟောင်း အမြောက်စခန်းနှင့် ရေငုပ်သင်္ဘော လိုဏ်ဂူကဲ့သို့ သမိုင်းဝင်နေရာများ ပါဝင်သည့်အပြင် ပင်လယ်နှင့် မြို့ပြရှုခင်းများကို အထက်စီးမှ လှပစွာ မြင်တွေ့နိုင်သဖြင့် တောင်တက်သူများ အများအပြား လာရောက်ကြခြင်းဖြစ်သည်။သက်ဆိုင်ရာ အာဏာပိုင်များကလည်း အဆိုပါ လမ်းကြောင်းသည် တောမီးကာကွယ်ရေးအတွက် အထောက်အကူပြုရုံမျှမက သဘာဝအခြေခံ ခရီးသွားလုပ်ငန်းကိုပါ မြှင့်တင်ပေးနိုင်သဖြင့် ခရီးသွားများ ဘေးကင်းစွာ လည်ပတ်နိုင်ရန် စနစ်တကျ မွမ်းမံဆောင်ရွက်သွားမည်ဖြစ်ကြောင်း သိရသည်။