မန္တလေးတိုင်းဒေသကြီး၊တံတားဦးမြို့နယ်၊ မောင်အိုအုတ်တံတားဘေးတွင် လဲကျနေသည့် သစ်ပင်ကြီးအား မီးသတ်တပ်ဖွဲ့ဝင်များနှင့် အဖွဲ့အစည်းများ ပူးပေါင်းရှင်းလင်း

မန္တလေးတိုင်းဒေသကြီး၊ တံတားဦးမြို့နယ်၊ ဈေးချိုကျေးရွာအုပ်စု၊ မှော်ကွန်းရပ်ရှိ မောင်အိုအုတ်တံတားဘေးတွင် သစ်ပင်လဲကျနေကြောင်း သတင်းရရှိသဖြင့် ၂၀၂၆ ခုနှစ်၊ ဩဂုတ်လ ၁၂ ရက် (ယနေ့) နံနက် ၉ နာရီခွဲအချိန်ခန့်တွင် တံတားဦးမြို့နယ်မီးသတ်စခန်းမှ မီးငြှိမ်းသတ်ယာဉ် ၁ စီး၊ သန္ဓေမီးသတ်တပ်ဖွဲ့ဝင်များနှင့် သက်ဆိုင်ရာအဖွဲ့အစည်းများ သွားရောက်ပူးပေါင်း ရှင်းလင်းခဲ့ကြသည်။ အဆိုပါ သစ်ပင်လဲကျမှုကြောင့် လမ်းပိတ်ဆို့မှုနှင့် ဘေးအန္တရာယ်မရှိစေရန်အတွက် အဖွဲ့စုံဖြင့် စနစ်တကျ ခုတ်ထွင်ရှင်းလင်းရေးလုပ်ငန်းများ ဆောင်ရွက်ခဲ့ရာ ညနေ ၇ နာရီ (၁၉:၀၀ နာရီ) အချိန်တွင် လုပ်ငန်းများ အောင်မြင်စွာ ပြီးစီးသွားခဲ့ကြောင်း သိရသည်။