ဂျပန်နိုင်ငံခြားရေးဝန်ကြီးဌာနမှ အဆင့်မြင့် အရာရှိများသည် ဆိုရှယ်မီဒီယာပေါ်တွင် ပျံ့နှံ့နေသည့် သတင်းအမှားများနှင့် အယူအဆအမှားများကို ထိရောက်မြန်ဆန်စွာ တုံ့ပြန်နိုင်ရန်အတွက် မိမိတို့၏ အမည်ရင်းများဖြင့် ဆိုရှယ်မီဒီယာ အကောင့်များ စတင်ဖွင့်လှစ်ကာ တိုက်ရိုက်ရှင်းလင်းပြောကြားမှုများ ပြုလုပ်လာကြသည်။အဆိုပါ လုပ်ဆောင်ချက်သည် ဂျပန်အပြည်ပြည်ဆိုင်ရာ ပူးပေါင်းဆောင်ရွက်ရေး အေဂျင်စီ (JICA) ၏ ဂျပန်နှင့် အာဖရိက မြို့များအကြား ပူးပေါင်းဆောင်ရွက်သည့် "Hometown" စီမံကိန်းအပေါ် အာဖရိကမှ လူဝင်မှုကြီးစိုးလာမည်ဟူသော သတင်းအမှားများကြောင့် ယခင်နှစ်က စီမံကိန်း ဖျက်သိမ်းခဲ့ရသည့် ဖြစ်စဉ်အပြီး ပေါ်ပေါက်လာခြင်းဖြစ်သည်။
မကြာသေးမီကလည်း အာဖရိကနှင့် ဂျပန် အထက်တန်းကျောင်းသားများ လဲလှယ်ရေး အစီအစဉ် (Japan-Africa Youth Program) ၌ ကျောင်းသားတစ်ဦးလျှင် ယန်း ၁၀ သန်းခန့် သုံးစွဲနေသည်ဟု သတင်းအမှားများ ထွက်ပေါ်ခဲ့ရာ နိုင်ငံခြားရေးဝန်ကြီးဌာန အာဖရိကရေးရာဌာန ညွှန်ကြားရေးမှူးချုပ် Misako Takahashi က သူမ၏ X (Twitter) အကောင့်မှတစ်ဆင့် ဘတ်ဂျက်သုံးစွဲမှု အမှန်နှင့် စီမံကိန်း ရည်ရွယ်ချက်များကို တိုက်ရိုက် ရှင်းလင်းခဲ့သည်။ဝန်ကြီးဌာန၏ တရားဝင် အကောင့်များသည် စိစစ်အတည်ပြုမှု အဆင့်ဆင့်ကြောင့် တုံ့ပြန်မှု နှောင့်နှေးလေ့ရှိသော်လည်း အရာရှိများ၏ ကိုယ်ပိုင်အကောင့်များမှတစ်ဆင့် ပိုမိုမြန်ဆန် လွယ်ကူစွာ သတင်းအချက်အလက် အမှန်များကို ဖြန့်ဝေပေးနိုင်မည်ဖြစ်ကြောင်း သိရသည်။
