ဗီယက်နမ် ဒါနန်းမြို့ရှိ ဆန်းထြာ ကျွန်းဆွယ်၏ အန္တရာယ်များသည့် တောင်တက် လမ်းကြောင်း ၃ ခုအား သွားလာခြင်း မပြုကြရန် သတိပေး

ဗီယက်နမ်နိုင်ငံ၊ ဒါနန်းမြို့ (Da Nang) ရှိ သဘာဝအလှတရားကြောင့် နာမည်ကျော်သည့် ဆန်းထြာ ကျွန်းဆွယ် (Son Tra Peninsula) အတွင်း၌ ခရီးသွားများ ပျောက်ဆုံးခြင်းနှင့် မတော်တဆမှုများ မကြာခဏ ဖြစ်ပွားလေ့ရှိသည့် အလွန်အန္တရာယ်များသော တောင်တက်/တောလမ်း လမ်းကြောင်း (Trekking Routes) ၃ ခုသို့ မလိုအပ်ဘဲ သွားလာခြင်း မပြုကြရန် သက်ဆိုင်ရာ အာဏာပိုင်များက သတိပေးလိုက်သည်။အဆိုပါ အန္တရာယ်ရှိသော လမ်းကြောင်း ၃ ခုမှာ Mui Nghe လမ်းကြောင်း၊ Da Den လမ်းကြောင်း၊ Cay Da Di San (ရှေးဟောင်း ညောင်ပင်ကြီး) သို့ သွားသည့် တောလမ်း တို့ ဖြစ်ကြသည်။၎င်းလမ်းကြောင်းများသည် မတ်စောက်သော ကျောက်ဆောင်များ၊ ထူထပ်သော သစ်တောများ ပါဝင်ပြီး ဖုန်းလိုင်း မမိခြင်း၊ လမ်းပျောက်လွယ်ခြင်းတို့ကြောင့် အသက်အန္တရာယ် ထိခိုက်နိုင်ခြေ မြင့်မားသည်။ အာဏာပိုင်များက အဆိုပါ ဒေသများသို့ သွားရောက်သည့် လမ်းဆုံများတွင် သတိပေးဆိုင်းဘုတ်များ တပ်ဆင်ထားပြီး ခရီးသွားများအနေဖြင့် သတ်မှတ်ထားသည့် ဘေးကင်းသော လမ်းကြောင်းများကိုသာ အသုံးပြုကြရန် တိုက်တွန်းထားသည်။