ကာကွယ်ရေးပူးပေါင်းဆောင်ရွက်မှု ပိုမိုနက်ရှိုင်းစေရန် ဗီယက်နမ်နှင့် သြစတြေးလျ နှစ်နိုင်ငံ သဘောတူညီ

ဩဂုတ်လ ၁၁ ရက် (အင်္ဂါနေ့) က သြစတြေးလျနိုင်ငံ ကင်ဘာရာမြို့တွင် ပြုလုပ်သည့် နှစ်နိုင်ငံခေါင်းဆောင်များ တွေ့ဆုံပွဲ၌ စစ်ရေးနှင့် ကာကွယ်ရေးပူးပေါင်းဆောင်ရွက်မှုများကို ပိုမိုနက်ရှိုင်းစေရန် ဗီယက်နမ်နှင့် သြစတြေးလျနိုင်ငံတို့ သဘောတူညီခဲ့ကြကြောင်း သိရသည်။ အဆိုပါ တွေ့ဆုံမှုတွင် ဒေသတွင်း မရှိမဖြစ်လိုအပ်သော ကုန်သွယ်မှုများ လွတ်လပ်စွာ စီးဆင်းနိုင်ရေးကို ပူးပေါင်းထောက်ပံ့ပေးရန် ဆွေးနွေးခဲ့ကြသည့်အပြင် ကမ္ဘာတစ်ဝန်းရှိ ကုန်ထုတ်လုပ်မှုနှင့် ထောက်ပံ့ဖြည့်တင်းရေးကွင်းဆက် (Supply Chain) များကို အနှောင့်အယှက်ဖြစ်စေမည့် မူဝါဒများနှင့် ပတ်သက်၍လည်း နှစ်ဖက်စလုံးက စိုးရိမ်ပူပန်မှုများ ရှိနေကြောင်း အပြန်အလှန် ဖော်ပြဆွေးနွေးခဲ့ကြသည်။