ဗီယက်နမ်၊ ဘွေဟွေး မြက်ခင်းပြင် ပွဲတော်သို့ ခရီးသွား ထောင်ပေါင်းများစွာ လာရောက်ခဲ့

ဗီယက်နမ်နိုင်ငံ အလယ်ပိုင်း၊ ကွမ်ငိုင်ခရိုင် (Quang Ngai)၊ ဒန့်သူးထရမ်မြို့နယ် (Dang Thuy Tram) ရှိ ဘွေဟွေး မြက်ခင်းပြင် (Bui Hui Plateau) ၌ ၂၀၂၆ ခုနှစ် ဩဂုတ်လ ၈ ရက်နှင့် ၉ ရက်နေ့များတွင် "၂၀၂၆ ဘွေဟွေး မြက်ခင်းပြင် ပွဲတော်" (2026 Bui Hui Plateau Festival) ကို ကျင်းပခဲ့ရာ ပြည်တွင်းပြည်ပ ခရီးသွားနှင့် ဒေသခံ ၈,၅၀ဝ ဦးခန့် လာရောက် ပါဝင်ဆင်နွှဲခဲ့ကြသည်။"Touch the Clouds, Touch Memories, Touch the Future" ဟူသော ဆောင်ပုဒ်ဖြင့် ကျင်းပသည့် အဆိုပါ ပွဲတော်တွင် လာရောက်လည်ပတ်သူများသည် စိမ်းလန်းစိုပြေသော မြက်ခင်းပြင်နှင့် တောင်တန်းများကြား၌ စခန်းချ ကင်းပင်းထိုးခြင်း၊ စွန်လွှတ်ပြိုင်ပွဲများ ကြည့်ရှုခြင်း၊ တောင်တက်ခြင်း (Trekking) နှင့် တိမ်ပင်လယ်ကြည့်ရှုခြင်း (Cloud Hunting) များကို ပျော်ရွှင်စွာ ဆောင်ရွက်ခဲ့ကြသည်။ထို့ပြင် ပွဲတော်အတွင်း ဒေသခံ H're တိုင်းရင်းသားများ၏ ရိုးရာ မောင်းတီးဖျော်ဖြေပွဲများ၊ ရိုးရာ အစားအသောက်များနှင့် မီးပုံပွဲများကို ထည့်သွင်းကျင်းပခဲ့ပြီး "ဘွေဟွေး တိမ်ဈေး" (Bui Hui Cloud Market) ၌လည်း ဒေသထွက် တောင်ပေါ် ဟင်းသီးဟင်းရွက်များနှင့် စိမ်းစားဥသီးများကို ရောင်းချပြသခဲ့သည်။