Dolphin တိုင်ဖွန်းမုန်တိုင်း ကာလအတွင်း ထိုင်ဝမ်ရေလက်ကြားသို့ ဝင်ရောက်သည့် သင်္ဘောများကို ယာဉ်ကြော ထိန်းချုပ်ရေး အစီအစဉ်များ လိုက်နာရန် တရုတ်အစိုးရ၏ ထုတ်ပြန်ချက်မှာ လုံးဝ ရယ်စရာကောင်းကြောင်း ထိုင်ဝမ် ပြည်မကြီးရေးရာဌာနက ပြောကြားခဲ့သည်။ တရုတ်၏ အဆိုပါ ထုတ်ပြန်ချက်သည် နိုင်ငံတကာ အစီအစဉ်နှင့် စည်းကမ်းများကို လျစ်လျူရှု ပစ်ပယ်ခြင်း ဖြစ်ပြီး နိုင်ငံတကာ ရေပြင်သို့ ဝင်ရောက်မှုကို ပေကျင်းက ကန့်သတ်ပိုင်ခွင့် မရှိကြောင်းလည်း ထိုင်ဝမ်က ထောက်ပြထားသည်။ အဆိုပါ တိုင်ဖွန်းမုန်တိုင်းသည် ထိုင်ဝမ်မြောက်ပိုင်းသို့ ဦးတည်နေပြီး တရုတ်အရှေ့ဘက် ကမ်းရိုးတန်းသို့ စနေနေ့ည သို့မဟုတ် တနင်္ဂနွေနေ့ စောစောပိုင်းတွင် ဝင်ရောက်မည်ဟု မျှော်လင့်ထားကြသည်။
