ထိုင်းနိုင်ငံ၊နွန်သဘူရီကျောင်းတွင်းပစ်ခတ်မှုတွင် ကျောင်းသားများကိုကာကွယ်ပေးခဲ့သည့် ဆရာမမွေအပါအဝင် ၉ ဦးသေဆုံးပြီး တရားခံကျောင်းသားမှာ လူသတ်မှုများကို ကြိုတင်လေ့လာခဲ့ကြောင်းသိရ

ထိုင်းနိုင်ငံ၊ နွန်သဘူရီပြည်နယ်ရှိ စာသင်ကျောင်းတစ်ခု၌ အသက် ၁၄ နှစ်အရွယ် ကျောင်းသားတစ်ဦးက ၎င်း၏အဘိုးဖြစ်သူပိုင် လိုင်စင်ရသေနတ်ဖြင့် ရမ်းသန်းပစ်ခတ်ခဲ့ရာ အခြားကျောင်းသားများကို လိုက်လံကာကွယ်ပေးခဲ့သည့် အတိုင်ပင်ခံဆရာမ "မွေ" အပါအဝင် ဆရာများနှင့် ကျောင်းသား စုစုပေါင်း ၉ ဦး သေဆုံးခဲ့ရသည်။ အဆိုပါကျောင်းသားသည် ကျောင်းသို့မလာရောက်မီ နေအိမ်၌ ၎င်း၏အဘိုးနှင့်အဘွားကိုပါ ဦးစွာပစ်သတ်ခဲ့ခြင်းဖြစ်ပြီး၊ ရဲတပ်ဖွဲ့၏ စစ်ဆေးချက်များအရ ၎င်းသည် မိဘများနှင့်ခွဲခွာကာ တစ်ကိုယ်တည်းအထီးကျန်နေထိုင်တတ်ပြီး အမေရိကန်ရှိ ကျောင်းတွင်းသေနတ်ပစ်ခတ်မှုဖြစ်စဉ်များကို အွန်လိုင်းမှတစ်ဆင့် လပေါင်းများစွာ နေ့စဉ်ကြိုတင်လေ့လာကာ အတုယူကျူးလွန်ခဲ့ခြင်းဖြစ်ကြောင်း သိရသည်။