ဂျပန်နိုင်ငံ၊ ဟီရိုရှီးမား၌ စက်ဘီးဖြင့် သမိုင်းဝင် လေ့လာရေး ခရီးစဉ် ပို့ဆောင်ပေးခြင်းကို ခရီးသွားများ ပိုမိုနှစ်သက်နေ

အမေရိကန်၏ အက်တမ်ဗုံးကြဲခံရမှု အနှစ် ၈၁ နှစ်ပြည့်မြောက်ချိန်တွင် ဟီရိုရှီးမားမြို့၌ စက်ဘီးဖြင့် သမိုင်းဝင် အမှတ်တရနေရာများကို လှည့်လည်ကြည့်ရှုသည့် လေ့လာရေး ခရီးစဉ်တစ်ခုကို အက်တမ်ဗုံးဒဏ်ခံ ဒုတိယမျိုးဆက် (Hibaku Nisei) ဖြစ်သူ Fukuhara က ဦးဆောင်၍ ပို့ဆောင်ပေးလျက်ရှိသည်။ခရီးစဉ်အတွင်း Fukuhara သည် မိခင်ဝမ်းတွင်း၌ပင် ရေဒီယိုသတ္တိကြွ ဘေးထွက်ဆိုးကျိုး ဒဏ်ခံခဲ့ရသော ၎င်း၏ မိခင်ဖြစ်သူနှင့် အက်တမ်ဗုံးဒဏ်မှ လွတ်မြောက်ခဲ့သည့် ဘိုးဘွားများ၏ ကိုယ်တွေ့ဖြစ်ရပ်များကို အခြေပြု၍ သမိုင်းဝင် အချက်အလက်များကို ခရီးသွားများအား ရှင်းလင်းပြောကြားပေးသည်။သမားရိုးကျ ပြတိုက်များ၌ ကြည့်ရှုရသည်ထက် စက်ဘီးဖြင့် မြို့တွင်း လှည့်လည်စီးနင်းရင်း ကိုယ်တွေ့ သမိုင်းကြောင်းများကို လေ့လာရသည့်အတွက် ကမ္ဘာလှည့် ခရီးသွားများနှင့် ဒေသခံများအကြား အထူးစိတ်ဝင်စားမှု ရရှိလျက်ရှိသည်။