ဂျပန်နိုင်ငံ၊ဟီရိုရှီးမား၌ အက်တမ်ဗုံးဒဏ်မှ လွတ်မြောက်ခဲ့သည့် ဓာတ်ရထားဖြင့် မြို့တော် ပြန်လည်ထူထောင်ရေး လေ့လာရေး ခရီးစဉ် စတင်

ဒုတိယကမ္ဘာစစ်အတွင်း ၁၉၄၅ ခုနှစ် အမေရိကန်၏ အက်တမ်ဗုံးကြဲခံရမှုမှ လွတ်မြောက်ခဲ့သည့် ဓာတ်ရထားပေါ်မှတစ်ဆင့် ဟီရိုရှီးမားမြို့တော်၏ ပြန်လည်ထူထောင်ရေး သမိုင်းကြောင်းကို ကြည့်ရှုလေ့လာနိုင်မည့် ခရီးစဉ်တစ်ခုကို စတင်လိုက်ပြီဖြစ်သည်။အဆိုပါ ခရီးစဉ်တွင် ဟီရိုရှီးမား လျှပ်စစ်ဓာတ်ရထား ကုမ္ပဏီ၏ အမှတ် (၆၅၃) ဓာတ်ရထားကို အသုံးပြုထားပြီး ယင်းရထားသည် ၁၉၄၅ ခုနှစ် ဩဂုတ်လ ၆ ရက်နေ့ ဗုံးကြဲခံရမှုအတွင်း ပျက်စီးခဲ့သော်လည်း ၄ လအကြာတွင် အရေးပေါ် ပြန်လည်ပြင်ဆင်၍ ပြေးဆွဲနိုင်ခဲ့သဖြင့် မြို့တော် ပြန်လည်ထူထောင်ရေး၏ သင်္ကေတတစ်ခု ဖြစ်ခဲ့သည်။ ယခု ခရီးစဉ်တွင် လိုက်ပါသူများသည် တက်ဘလက် (Tablet) စက်များကို အသုံးပြု၍ စစ်မဖြစ်မီနှင့် ဗုံးကြဲခံရပြီးနောက် ဟီရိုရှီးမားမြို့၏ မြင်ကွင်းများကို ဓာတ်ရထား စီးနင်းရင်း လေ့လာကြည့်ရှုနိုင်မည်ဖြစ်ပြီး အောက်တိုဘာလ ၃၁ ရက်နေ့အထိ စက်normal အားလပ်ရက်များတွင် စာရင်းပေးစီးနင်းနိုင်မည်ဖြစ်သည်။