ကမ္ဘောဒီးယား ဗဟိုဘဏ်က ကူးသန်းရောင်းဝယ်ရေး ဘဏ် ၃ ခု၏ လိုင်စင်များကို ရုပ်သိမ်းခဲ့

ကမ္ဘောဒီးယား ဗဟိုဘဏ် (National Bank of Cambodia - NBC) သည် CCU Commercial Bank Ltd၊ Heng Feng (Cambodia) Bank Plc နှင့် HH Bank (Cambodia) Plc တို့၏ ဘဏ်လုပ်ငန်း လိုင်စင်များကို တရားဝင် ရုပ်သိမ်းလိုက်ပြီး စာရင်းရှင်းလင်း ဖျက်သိမ်းရေး (Liquidation) လုပ်ငန်းစဉ်များကို စတင်ဆောင်ရွက်နေကြောင်း ယမန်နေ့က သတင်းထုတ်ပြန်ခဲ့သည်။ဗဟိုဘဏ် အနေဖြင့် အပ်နှံသူများ၏ စေတနာငွေများ ပြန်လည် ထုတ်ပေးနိုင်ရေးအတွက် တရားဝင် စာရင်းရှင်းလင်းရေး အဖွဲ့များဖြစ်သော REACHS & Partners Co Ltd နှင့် Baker Tilly Cambodia တို့အား အသီးသီး တာဝန်ပေးအပ်ထားသည်။ အဆိုပါ ဘဏ်များတွင် ငွေစုဆောင်းထားသူများအနေဖြင့် လိုအပ်သော စာရွက်စာတမ်းများ ပြင်ဆင်၍ ငွေထုတ်ယူရန် လျှောက်ထားနိုင်ပြီး ချေးငွေရယူထားသူများမှာလည်း ပုံမှန်အတိုင်း ပြန်လည် ပေးဆပ်ရမည် ဖြစ်သည်။ဖျက်သိမ်းလိုက်သည့် ဘဏ် ၃ ခု၏ စုစုပေါင်း ပိုင်ဆိုင်မှုမှာ အမေရိကန်ဒေါ်လာ ၂၉၃ သန်းခန့်ရှိပြီး ကမ္ဘောဒီးယား ဘဏ်လုပ်ငန်း ကဏ္ဍတစ်ခုလုံး၏ စုစုပေါင်း ပိုင်ဆိုင်မှု အမေရိကန်ဒေါ်လာ ၉၉.၈ ဘီလီယံ၏ ၀.၅ ရာခိုင်နှုန်းအောက်သာ ရှိသဖြင့် ဘဏ္ဍာရေး စနစ်တစ်ခုလုံး၏ တည်ငြိမ်မှုကို ထိခိုက်နိုင်ခြေ မရှိကြောင်း လေ့လာသုံးသပ်သူများက ပြောကြားထားသည်။