ဗီယက်နမ်၌ အလွန်ပြင်းထန်သော အယ်လ်နီညို ဝင်ရောက်မည်ဆိုသောကြောင့် မိုးခေါင်ရေရှားမှုအတွက် စိုးရိမ်သည့်အခြေအနေ ဖြစ်ပေါ်နေ

ဩစတြေးလျ မိုးလေဝသဗျူရို၏ တိုင်းထွာချက်များအရ Nino 3.4 အညွှန်းကိန်းသည် +1.94 ဒီဂရီစင်တီဂရိတ်အထိ ရောက်ရှိနေပြီး အလွန်ပြင်းထန်သည့် အယ်လ်နီညို (Super-strong El Niño) ဖြစ်စဉ်ကို ပြသနေသည်။ ထို့ကြောင့် ဗီယက်နမ်နိုင်ငံ မဲခေါင်မြစ်ဝကျွန်းပေါ်ဒေသတွင် လာမည့်ပွင့်လင်းရာသီ၌ ၂၀၁၅-၂၀၁၆ ခုနှစ်ကကဲ့သို့ ပြင်းထန်သော မိုးခေါင်ရေရှားမှုနှင့် ပင်လယ်ငန်ရေ ဝင်ရောက်မှုများ ပြန်လည်ကြုံတွေ့ရမည်ကို အာဏာပိုင်များနှင့် ပညာရှင်များက စိုးရိမ်လျက်ရှိကြသည်။အဆိုပါ ရာသီဥတု ဖရိုဖရဲဖြစ်မှုသည် ဒေသတွင်း လယ်ယာစိုက်ပျိုးရေးနှင့် ပြည်သူသန်းပေါင်းများစွာ၏ သောက်သုံးရေ ရရှိရေးကို ကြီးမားစွာ ခြိမ်းခြောက်နေသည်။ ပညာရှင်များက မိုးရာသီ မကုန်မီ သောက်သုံးရေနှင့် စိုက်ပျိုးရေများကို နည်းလမ်းပေါင်းစုံဖြင့် ကြိုတင်သိုလှောင်ထားကြရန်၊ ရေအလွန်သောက်သည့် စပါးစိုက်ပျိုးမှုများကို လျှော့ချရန်နှင့် ရေရှားပါးသည့် ကမ်းရိုးတန်းဒေသများတွင် ရေချိုသယ်ယူဖြန့်ဖြူးရေးနှင့် ငန်ရေသန့်စင်ရေး အစီအမံများကို ကြိုတင်ပြင်ဆင်ထားကြရန် တိုက်တွန်းထားကြသည်။