ဧရာဝတီတိုင်းဒေသကြီး၊ လေးမျက်နှာမြို့နယ် နင်းကြမ်းကျေးရွာရှိ MPT မိုဘိုင်းစခန်းကို ဩဂုတ် ၅ ရက် နေ့လယ် ၁၂ နာရီ ၂၆ မိနစ်တွင် ပြန်လည်ပွင့်လှစ်နိုင်ခဲ့သဖြင့် အဆိုပါစခန်းမှ ၃ ကီလိုမီတာအကွာအဝေးအတွင်းရှိ လေးမျက်နှာမြို့ပေါ်ဒေသများတွင် MPT ဖုန်းလိုင်းများ ပြန်လည်ရရှိလာကြောင်း တိုင်းအစိုးရအဖွဲ့ထံမှ သိရသည်။ လေးမျက်နှာမြို့နယ်ရှိ MPT မိုဘိုင်းစခန်း ၁၃ ခုအနက် ရေဘေးကြောင့် ယာယီဖြုတ်သိမ်းထားရသည့် စခန်း ၆ ခု အပါအဝင် ၁၁ ခုမှာ ဆက်သွယ်ရေး ပြတ်တောက်နေဆဲဖြစ်ရာ လက်ရှိတွင် မြို့နယ်တစ်ခုလုံး၏ ၁၆.၁၈ ရာခိုင်နှုန်းခန့်သာ ဆက်သွယ်ရေး ဝန်ဆောင်မှု ပြန်လည်ပေးနိုင်သေးကြောင်း သိရသည်။
