ထိုင်းရှိ သံစက်ရုံနှင့် မီးကြိုးစက်ရုံတို့မှ မြန်မာလုပ်သား ၁၂၀ ဦး ကြိုတင်အကြောင်းကြားခြင်းမရှိဘဲ အလုပ်ထုတ်ခံရသဖြင့် WAG အဖွဲ့ ကူညီပေးနေ

ထိုင်းနိုင်ငံ၊ ချွန်ဘူရီခရိုင်ရှိ သံစက်ရုံမှ မြန်မာလုပ်သား ၁၁၄ ဦး (ဇူလိုင် ၁၅ ရက်) နှင့် စမူပကန်မြို့နယ်ရှိ မီးကြိုးစက်ရုံမှ မြန်မာလုပ်သား ၆ ဦး (ဇူလိုင် ၉ ရက်) တို့သည် အလုပ်ရှင်များ၏ ကြိုတင်အကြောင်းကြားခြင်းမရှိဘဲ အလုပ်ထုတ်ပယ်ခြင်းကို ခံခဲ့ရပြီး၊ လုပ်သက်အလိုက် နစ်နာကြေးနှင့် ဥပဒေအရ ရရှိသင့်သည့် အခွင့်အရေးများ မရရှိဘဲ အခက်အခဲကြုံတွေ့နေရသဖြင့် အလုပ်သမားကူညီစောင့်ရှောက်ရေးအဖွဲ့ (WAG) ထံ ဇူလိုင် ၁၅ ရက်နှင့် ၁၆ ရက်တို့တွင် ဆက်သွယ်အကူအညီတောင်းခံခဲ့ကြကြောင်း သိရသည်။