(၇၉) နှစ်မြောက် အာဇာနည်နေ့အတွက် ဂျာမနီ၊ ဩစတြေးလျနှင့် နော်ဝေးသံရုံးတို့ ဝမ်းနည်းကြောင်း ထုတ်ပြန်

ယနေ့ ဇူလိုင် (၁၉) ရက်တွင် ကျရောက်သည့် (၇၉) နှစ်မြောက် အာဇာနည်နေ့အတွက် မြန်မာနိုင်ငံအခြေစိုက် ဂျာမနီ၊ ဩစတြေးလျနှင့် နော်ဝေးနိုင်ငံသံရုံးတို့က မြန်မာပြည်သူများနှင့်အတူ ထပ်တူထပ်မျှ ဝမ်းနည်းရပါကြောင်း၊ မြန်မာ့လွတ်လပ်ရေးနှင့် ပိုမိုကောင်းမွန်သော အနာဂတ်အတွက် သက်စွန့်ကြိုးပမ်းခဲ့ကြသည့် ဗိုလ်ချုပ်အောင်ဆန်းနှင့်တကွ ကျဆုံးလေပြီးသော အာဇာနည်ခေါင်းဆောင်များ၊ ခေတ်အဆက်ဆက် ကြိုးပမ်းခဲ့ကြသူများအားလုံးကို အောက်မေ့သတိရ ဂုဏ်ပြုဦးညွတ်ပါကြောင်း ယနေ့တွင် အသီးသီး ထုတ်ပြန်ခဲ့ကြသည်။