ကမ္ဘာ့ဘဏ်၏ ၂၀၂၆ ခုနှစ် နိုင်ငံအလိုက် ဝင်ငွေအဆင့်အတန်း သတ်မှတ်ချက်အရ ထိုင်းနိုင်ငံသည် တစ်ဦးကျ အမျိုးသားစုစုပေါင်းဝင်ငွေ (GNI) အမေရိကန်ဒေါ်လာ ၇,၆၉၀ ဖြင့် အလယ်အလတ် အထက်တန်းဝင်ငွေရှိသည့် နိုင်ငံအဖြစ် ဆက်လက်ရပ်တည်နေသည်။ အဆိုပါ ပမာဏသည် ဝင်ငွေမြင့်မားသော နိုင်ငံအုပ်စုဝင်ဖြစ်ရန် သတ်မှတ်ထားသည့် အမေရိကန်ဒေါ်လာ ၁၄,၃၇၅ အောက်တွင် ရှိနေခြင်းဖြစ်သည်။ ထိုင်းနိုင်ငံသည် အလယ်အလတ် အောက်တန်းဝင်ငွေအုပ်စုမှ အထက်တန်းဝင်ငွေအုပ်စုသို့ ရောက်ရှိရန် ၂၃ နှစ်ကြာ တက်လှမ်းခဲ့ရပြီး ၂၀၁၁ ခုနှစ်ကတည်းက ယင်းအဆင့်တွင် ရှိနေခဲ့ခြင်းဖြစ်သည်။အခြားတစ်ဖက်တွင် ဗီယက်နမ်နိုင်ငံသည် တစ်ဦးကျ GNI အမေရိကန်ဒေါ်လာ ၄,၉၇၀ ဖြင့် အလယ်အလတ် အထက်တန်းဝင်ငွေအုပ်စုသို့ ပထမဆုံးအကြိမ်အဖြစ် ရောက်ရှိလာခဲ့သည်။ ဗီယက်နမ်နိုင်ငံအနေဖြင့် ယင်းအုပ်စုသို့ ရောက်ရှိရန် ၁၅ နှစ်သာ ကြာမြင့်ခဲ့သဖြင့် စီးပွားရေးနှင့် ဝင်ငွေတိုးတက်မှုနှုန်းမှာ ထိုင်းနိုင်ငံထက် ပိုမိုမြန်ဆန်နေသည်။ လွန်ခဲ့သည့် ၁၀ နှစ်အတွင်း ဖြစ်ပေါ်ခဲ့သော စီးပွားရေးတိုးတက်မှုနှုန်းအတိုင်း ဆက်လက်သွားမည်ဆိုပါက ဗီယက်နမ်နိုင်ငံသည် ၂၀၃၇ ခုနှစ်တွင် ထိုင်းနိုင်ငံ၏ တစ်ဦးကျဝင်ငွေကို ကျော်လွန်သွားနိုင်ပြီး၊ ၂၀၄၀ ပြည့်နှစ်ဝန်းကျင်တွင် ဝင်ငွေမြင့်မားသော နိုင်ငံအဖြစ် ထိုင်းနိုင်ငံထက် ၃ နှစ်ခန့် စောစီးစွာ ရောက်ရှိသွားနိုင်ကြောင်း သိရသည်။
ထိုင်းနိုင်ငံက ကမ္ဘာ့ဘဏ်၏ အလယ်အလတ် အထက်တန်းဝင်ငွေအုပ်စုတွင် ဆက်လက်ရပ်တည်နေပြီး ဗီယက်နမ်က ကျော်တက်နိုင်သည့် အခြေအနေရှိနေ
Jul 13 • 1:38 AM
ထိုင်း
ပြည်တွင်းသတင်း
မျှဝေမည်
| 9 | 0 | 0 | 0 |


