back

IU နှင့် Lee Jong-suk တို့ အတွဲ ၄ နှစ်ကြာ လက်တွဲခဲ့သည့် အချစ်ရေးကို အဆုံးသတ်လိုက်ပြီဖြစ်ကြောင်း အေဂျင်စီများ အတည်ပြု

Jul 10 • 4:58 AM

breaking-news

တောင်ကိုရီးယား

ပြည်တွင်းသတင်း

breaking-news
cover

IU နှင့် Lee Jong-suk တို့ အတွဲ ၄ နှစ်ကြာ လက်တွဲခဲ့သည့် အချစ်ရေးကို အဆုံးသတ်လိုက်ပြီဖြစ်ကြောင်း အေဂျင်စီများ အတည်ပြု

တောင်ကိုရီးယားအနုပညာလောကတွင် ပရိသတ်များ၏ တစ်ခဲနက် အားပေးမှုကို ရရှိခဲ့ကြသည့် ထိပ်တန်းအနုပညာရှင် စုံတွဲဖြစ်သော အဆိုတော်/မင်းသမီး IU နှင့် မင်းသား Lee Jong-suk တိ...

တောင်ကိုရီးယားအနုပညာလောကတွင် ပရိသတ်များ၏ တစ်ခဲနက် အားပေးမှုကို ရရှိခဲ့ကြသည့် ထိပ်တန်းအနုပညာရှင် စုံတွဲဖြစ်သော အဆိုတော်/မင်းသမီး IU နှင့် မင်းသား Lee Jong-suk တို့သည် ၄ နှစ်ကြာ လက်တွဲခဲ့သည့် အချစ်ရေးကို အဆုံးသတ်လိုက်ပြီး၊ နောက်ပိုင်းတွင် လုပ်ဖော်ကိုင်ဖက်ကောင်းများအဖြစ်သာ ဆက်စပ်ပတ်သက်သွားတော့မည်ဖြစ်ကြောင်း သိရသည်။ဇူလိုင်လ ၁၀ ရက် (ယနေ့) တွင် ၎င်းတို့နှစ်ဦး၏ အေဂျင်စီများဖြစ်ကြသည့် EDAM Entertainment နှင့် ACE FACTORY တို့က အဆိုပါ လမ်းခွဲပြတ်စဲမှုသတင်းကို အသီးသီး တရားဝင် အတည်ပြုပေးခဲ့ကြခြင်း ဖြစ်သည်။၎င်းတို့နှစ်ဦးသည် ပြီးခဲ့သည့် ၂၀၂၂ ခုနှစ် ဒီဇင်ဘာလကုန်ပိုင်းတွင် ချစ်သူများအဖြစ် တွဲနေကြကြောင်း (Dating) ကို တရားဝင် အတည်ပြုခဲ့ကြပြီးနောက်၊ ၄ နှစ်အကြာ လက်တွဲခဲ့ကြသည့် အချစ်ရေးကို ယခုကဲ့သို့ မိတ်ဆွေကောင်းများအဖြစ် ပြောင်းလဲကာ အဆုံးသတ်လိုက်ခြင်း ဖြစ်သည်။ ပရိသတ်များစွာ မျှော်လင့်အားပေးခဲ့ကြသည့် အနုပညာရှင်စုံတွဲ ဖြစ်သဖြင့် ယခုလမ်းခွဲမှု သတင်းကြောင့် ကမ္ဘာတစ်ဝန်းရှိ ပရိသတ်များအကြား နှမြောတသ စိတ်မကောင်းဖြစ်ရလျက်ရှိကြောင်း သိရသည်။

news-view-count-icon

32