ထိုင်းနှင့် အိန္ဒိယတို့သည် ၂၀၂၇ ခုနှစ်တွင် နှစ်နိုင်ငံ သံတမန်ဆက်ဆံမှု နှစ် ၈၀ ပြည့်အထိမ်းအမှတ်အတွက် ပြင်ဆင်နေချိန်တွင် ကုန်သွယ်ရေး၊ ရင်းနှီးမြှုပ်နှံမှုနှင့် ဒေသတွင်း ပူးပေါင်းဆောင်ရွက်မှုကို တိုးချဲ့ရန် စီစဉ်ထားသည်။ အိန္ဒိယ၏ ဥက္ကဌသက်တမ်းတွင် စက်တင်ဘာလ၌ ကျင်းပမည့် ဘရစ် ထိပ်သီးအစည်းအဝေးမတိုင်မီ ကြာသပတေးနေ့နှင့် သောကြာနေ့များတွင် နူးဒေလီ၌ ကျင်းပခဲ့သော ဘရစ် နိုင်ငံခြားရေးဝန်ကြီးများ အစည်းအဝေးအတွင်း ထိုင်းနိုင်ငံခြားရေးဝန်ကြီး ဆီဟာဆက် ဖောင်ကက်ကောက အစီအစဉ်များကို ရှင်းလင်းပြောကြားခဲ့သည်။ အိန္ဒိယနိုင်ငံခြားရေးဝန်ကြီးနှင့် ဆွေးနွေးမှုများသည် စီးပွားရေးဆက်ဆံရေး ခိုင်မာစေရန်နှင့် လာမည့်နှစ် နှစ်ပတ်လည်အခါသမယနှင့် တိုက်ဆိုင်လျှက်အနာဂတ် မဟာဗျူဟာမြောက် မိတ်ဖက်ဆက်ဆံရေးအတွက် လုပ်ငန်းအစီအစဉ်တစ်ခု ကို ပြင်ဆင်ရန် အဓိကထားခဲ့ကြောင်း ဒုတိယဝန်ကြီးချုပ်လည်းဖြစ်သူ မစ္စတာ ဆီဟာဆက်က ပြောကြားခဲ့သည်။ 


