မကြာမီကျရောက်တော့မည့် Eid Al Adha အားလပ်ရက်ကာလအတွင်း အွန်လိုင်းမှတစ်ဆင့် ငွေလိမ်လည်မှုများ ပိုမိုများပြားလာနိုင်သဖြင့် ပြည်သူများအနေဖြင့် အထူးသတိပြုကြရန် ဒူဘိုင်းရဲတပ်ဖွဲ့က ၂၀၂၆ ခုနှစ် မေလ ၁၁ ရက်နေ့တွင် နှိုးဆော်လိုက်ပါသည်။ အထူးသဖြင့် ပွဲတော်အတွက် လှူဒါန်းမည့် သားကောင်များ (Sacrificial Animals) ကို အွန်လိုင်းမှ ရောင်းချပေးမည်ဟုဆိုကာ ပုံစံတူ ဝဘ်ဆိုက်အတုများဖြင့် ငွေလိမ်လည်ခြင်း၊ ပွဲတော်အထိမ်းအမှတ် အထူးလျှော့စျေးများ၊ လက်ဆောင်များ (Giveaways) နှင့် ခရီးသွားလာရေး အထူးအစီအစဉ်များဖြင့် မက်လုံးပေးကာ ကိုယ်ရေးအချက်အလက်နှင့် ဘဏ်အချက်အလက်များကို ခိုးယူခြင်းများ ဖြစ်ပေါ်နေကြောင်း သိရပါသည်။ ဒူဘိုင်းရဲတပ်ဖွဲ့က တရားဝင်ခွင့်ပြုချက်ရထားသော အဖွဲ့အစည်းများမှတစ်ဆင့်သာ လှူဒါန်းမှုများပြုလုပ်ရန်၊ မသင်္ကာဖွယ်ရာ လင့်ခ်များကို မနှိပ်ရန်နှင့် လူမှုကွန်ရက်ပေါ်ရှိ အတည်မပြုနိုင်သော အရောင်းအဝယ်များကို ရှောင်ကြဉ်ရန် တိုက်တွန်းထားပြီး လိမ်လည်ခံရပါက "Police Eye" ဝန်ဆောင်မှု သို့မဟုတ် eCrime ပလက်ဖောင်းမှတစ်ဆင့် ချက်ချင်းတိုင်ကြားနိုင်ကြောင်း အသိပေးထားပါသည်။
ယူအေအီး၌ Eid Al Adha ပွဲတော်နီးကပ်လာချိန်တွင် အွန်လိုင်းငွေလိမ်မှုများကို သတိထားရန် ဒူဘိုင်းရဲတပ်ဖွဲ့ သတိပေး
May 12 • 7:49 AM
UAE
ပြည်တွင်းသတင်း
မျှဝေမည်
| 14 | 0 | 0 | 0 |


