နိုင်ငံခြားဝင်ငွေ တိုးမြှင့်ရရှိစေရန်နှင့် တောင်သူများအတွက် အကျိုးအမြတ်ပိုမိုရရှိစေမည့် Rice Export Zone (REZ) များ ထူထောင်ရေးအတွက် လုပ်ငန်းရှင်များနှင့် စပါးစိုက်တောင်သူများ တွေ့ဆုံဆွေးနွေးပွဲကို ယမန်နေ့က ရန်ကုန်တိုင်းဒေသကြီး၊ မှော်ဘီမြို့နယ်ရှိ မြန်မာ့ဆန်စပါးသုတေသနဌာန၌ ကျင်းပခဲ့သည်။အဆိုပါ တွေ့ဆုံပွဲတွင် စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန ဒုတိယဝန်ကြီး ဒေါက်တာရဲတင့်ထွန်းက နိုင်ငံ့စီးပွားမြှင့်တင်ရေးရန်ပုံငွေဖြင့် Rice Export Zone (REZ) များ အကောင်အထည်ဖော်နေမှု အခြေအနေများကို ရှင်းလင်းပြောကြားခဲ့သည်။ ၎င်းနောက် မြန်မာနိုင်ငံဆန်စပါးအသင်းချုပ်မှ Drum Seeder (၅၀) နှင့် စိုက်ပျိုးရေးဦးစီးဌာနမှ သဘာဝမြေဩဇာများကို တောင်သူများထံ အခမဲ့ထောက်ပံ့ပေးအပ်ခဲ့သည်။
မြို့နယ် (၁၀၀) ၌ Rice Export Zone များ ဖော်ဆောင်မည်၊ ပါဝင်သည့်တောင်သူများအား စိုက်ပျိုးစရိတ်နှင့် သွင်းအားစုများ ပံ့ပိုးပေးသွားမည်
May 12 • 5:44 AM
မြန်မာ
ပြည်တွင်း
မျှဝေမည်
| 46 | 0 | 0 | 0 |


