မန္တလေး၌စက်သုံးဆီဈေးကြီးမြင့်နေချိန်၊ မီးသဂြိုဟ်ခပါဈေးတက်သွားသောကြောင့်၊ အခမဲ့နာရေးကူညီမှုအသင်းများ အခက်တွေ့နေကြကြောင်း မန္တလေးမြို့အခြေစိုက်လူမှုရေးအသင်းများမှသိရသည်။ စက်သုံးဆီကို၊ ပြင်ပပေါက်ဈေးဖြင့်မဖြစ်မနေ၀ယ်ယူသုံးစွဲနေရချိန်၊ မီးသဂြိုဟ်ခပုံမှန်ထက်ဈေးနှစ်ဆတက် သွား ခြင်းသည်၊ အထူးသဖြင့်အခမဲ့နာရေးကူညီမှုအသင်းများအား၊ ၀န်ထုပ်၀န်ပိုးဖြစ်စေ သည်ဟု ၎င်းတို့ ကဆိုသည်။ နာရေးကိစ္စတစ်ခုလျှင်၊ စက်သုံးဆီဖိုး၊ သုဿန်သို့ပေးရသည့်သဂြိုဟ်စရိတ်၊ သက်ဆိုင်ရာရင်ခွဲရုံမှအလောင်း ထုတ်ယူမှုအတွက်ကုန်ကျစရိတ်အပါအဝင်ပျမ်းမျှ(၂၀၀,၀၀၀)ကျပ်ခန့်အသုံးပြုရကြောင်း သိရသည်။မန္တလေးမြို့တွင်၊ အများနှင့်သက်ဆိုင်သည့်စည်ပင်သာယာပိုင်သုဿန်(၂)ခုရှိပြီး၊ ယခင်က မီးသဂြိုဟ်ခ အတွက် လူကြီး(၁၂,၀၀၀)ကျပ်၊ ကလေး(၆,၀၀၀)ကျပ်နှုန်းယူခဲ့ရမှ၊ မေလ(၉)ရက်နေ့မှစတင်ကာ၊ ဈေးနှစ်ဆ တိုးမြှင့်သတ်မှတ်လိုက်ကြောင်း မန္တလေးမြို့တော်စည်ပင် သာယာရေးကော်မတီ (သန့်ရှင်းရေးဌာန)မှသိရသည်။
မန္တလေးမြို့၌ စက်သုံးဆီဈေးကြီးမြင့်နေချိန် မီးသဂြိုဟ်ခပါဈေးတက်သွားတာကြောင့် အခမဲ့နာရေးအသင်းတွေ အခက်တွေ့ နေ
May 12 • 2:44 AM
မြန်မာ
မန္တလေး
မျှဝေမည်
| 18 | 0 | 0 | 0 |


