စက်သုံးဆီ ချွေတာသည့် ခြေလှမ်းတရပ်အနေဖြင့် ရန်ကုန်အခြေစိုက် နယ်သာလန်သံရုံး ဒုတိယသံရုံးအကြီးအကဲ စက်ဘီးစီးပြီး ရုံးတက်

စက်သုံးဆီ ချွေတာသည့် ခြေလှမ်းတရပ်အနေဖြင့် ရန်ကုန်မြို့ အခြေစိုက် နယ်သာလန်သံရုံး ဒုတိယသံရုံးအကြီးအကဲ၏ စက်ဘီးစီးပြီး ရုံးတက်သည့် ဓာတ်ပုံများကို သံရုံးလူမှုကွန်ယက်စာမျက်နှာ၌ ဖော်ပြထားသည်။ဖေဖော်ဝါရီ လကုန်ပိုင်းက စကာ မြန်မာနိုင်ငံ၌ စက်သုံးဆီစျေးတက်ပြီး ပြတ်လပ်မှုနှင့် ကြုံခဲ့ရကာ လူအများစုက ကားဆီဖြည့်ရန် အတွက်၊ ကောက်ပဲ သီးနှံ ရိတ်သိမ်းရန်အတွက်နှင့် သူတို့ရဲ့ ထွက်ကုန်များကို စျေးအရောက် ပို့ရန် သယ်ယူပို့ဆောင်ရေးအတွက် ဆီဝယ်ဖြည့်နိုင်ရန် ရုန်းကန်ကြရသည်ဟု ဆိုသည်။