MRTV 4 သရုပ်ဆောင်တစ်ဦး ညဘက်အပြင်ထွက်ရာမှ ပြန်ရောက်မလာပဲပျောက်ဆုံးနေ

လှိုင်းလေကြားကပန်းရွှေကြာ ဇာတ်လမ်းတွဲမှာ ဟန်ထွန်းအဖြစ် သရုပ်ဆောင်ထားတဲ့ သရုပ်ဆောင်ကောင်းခန့်စိုးဟာ မနေ့က မေလ ၇ရက်နေ့ည ၇နာရီ ၄၅ မိနစ်ခန့်ကနေ စတင် ပျောက်ဆုံးနေတယ်လို့ သိရပါတယ်။သရုပ်ဆောင် ကောင်းခန့်စိုးရဲ့မိခင်က " ကျွန်မ ၏ သားကြီး MRTV 4 မှ မောင်ကောင်းခန့်စိုးသည် ၇.၅.၂၆ ရက်နေ့ ည ၇း၄၅အချိန် မုန့်ဝယ်စားရင်းလမ်းလျှောက်ထွက်သွားရာ မှ အိမ်သို့ ပြန်မရောက်ဘဲ ဖုန်းဆက်ကြည့်သောအခါ ပထမ ၌ ဖုန်းဝင်သော်လည်း မကိုင်ပါ ည၁၀ နာရီ ၌ ဖုန်း ဆက်ကြည့်သောအခါ လုံးဝ ဆက်သွယ်၍ မရတော့ပါ ဘဲ ယခု အချိန်အထိ ဘာအဆက်အသွယ်မှမရတော့ပါသဖြင့် စိုးရိမ်ပူပန်နေရပါသည်. တွေရှိ့ပါက အကြောင်းကြားပေးပါရန် အနူးအညွတ် အကူညီတောင်းခံ မေတ္တာရပ်ခံပါသည်" လို့ ဆိုထားတာ ဖြစ်ပါတယ်။