ရန်ကုန်မြို့သို့ အိန္ဒိယရေတပ် အရာရှိ၊ စစ်သည်(၅၂၇)ဦးပါသည့် အိန္ဒိယရေတပ်မှစစ်ရေယာဉ်(၂)စီး ရောက်ရှိလာ

ရန်ကုန်မြို့သို့ အိန္ဒိယရေတပ် အရာရှိ၊ စစ်သည်(၅၂၇)ဦးပါသည့် အိန္ဒိယရေတပ်မှစစ်ရေယာဉ်(၂)စီးသည် မြန်မာနိုင်ငံတော်သို့ချစ်ကြည်ရေးခရီးလည်ပတ်ရန် ယမန်နေ မေ ၄ ရက်ညနေပိုင်းက ရောက်ရှိလာခဲ့ကြောင်း သိရသည်။အိန္ဒိယရေတပ်မှစစ်ရေယာဉ် INS Satpura(F-48)နှင့် INS Sunayna(P-57)တို့သည် ရန်ကုန်မြို့ရှိသီလဝါဆိပ် ကမ်း MITT တံတားသို့ဆိုက်ကပ်ခဲ့ရာ တပ်မတော်(ရေ)မှ အရာရှိကြီးများ၊ အရာရှိ၊ စစ်သည်များနှင့် တာဝန်ရှိသူများကကြိုဆိုနှုတ်ဆက်ခဲ့ကြကြောင်းသိရသည်။အဆိုပါ စစ်ရေယာဉ်များသည် မေ ၆ ရက်အထိ(၃) ရက်ကြာနေထိုင်၍ ရန်ကုန်မြို့ရှိအထင်ကရနေရာများကို လေ့လာလည်ပတ်ခြင်း၊ ချစ်ကြည်ရေးအားကစားပြိုင်ပွဲများယှဉ်ပြိုင်ကစားခြင်းတို့ကိုပြုလုပ်သွားမည်ဖြစ်ကြောင်း သိရသည်။