မန္တလေးတိုင်းဒေသကြီး၊ တောင်သာမြို့နယ်တွင် ကျောင်းထိုင်ဆရာတော်တစ်ပါး သေနတ်ဖြင့် ပစ်ခတ်ခံရ၍ ပျံလွန်တော်မူ

မန္တလေးတိုင်းဒေသကြီး၊ တောင်သာမြို့နယ်၊ ချောင်းပေါက်ကျေးရွာရှိ မဟာဝါဠုကာရာမ ကျောင်းတိုက်၌ သီတင်းသုံးနေသည့် သက်တော် (၄၈) နှစ်၊ ဝါတော် (၂၈) ဝါရှိ ကျောင်းထိုင်ဆရာတော် ဉူးစန္ဒာဝရသည် မေလ ၂ ရက်နေ့၊ နံနက်ပိုင်းတွင် ဒေသတွင်းလက်နက်ကိုင်အဖွဲ့၏ ပစ်ခတ်မှုကြောင့် ပျံလွန်တော်မူသွားခဲ့သည်။ လက်နက်ကိုင်အမျိုးသားများသည် ကျောင်းတိုက်သို့ ဆိုင်ကယ်များဖြင့် ရောက်ရှိလာကာ ဆရာတော်အား ကျောင်းဝန်းအပြင်ဘက်သို့ ခေါ်ဆောင်သွားပြီးနောက် သေနတ်ဖြင့် ပစ်သတ်ခဲ့ခြင်းဖြစ်သည်။ အဆိုပါဒေသတွင် တိုက်ပွဲကြီးကြီးမားမား မရှိသော်လည်း ကျေးရွာအချို့၌ နေအိမ်များ မီးလောင်ပျက်စီးမှုများ ရှိနေပြီး အစိုးရတပ်၏ နယ်မြေရှင်းလင်းရေး စစ်ကြောင်းများကြောင့် ကျေးရွာ (၈) ရွာခန့်မှ ဒေသခံများ စစ်ဘေးရှောင်နေကြရကြောင်း သိရှိရပါသည်။