စင်ကာပူနိုင်ငံ၊ Punggol အရပ်ရှိ Block 138 Edgedale Plains မှာရှိတဲ့ HDB တိုက်ခန်းလှေကားခွင်မှာ မသန့်ရှင်းတဲ့ လုပ်ရပ်တွေ လုပ်ဆောင်ခဲ့တဲ့ အမျိုးသားတစ်ဦးကို အမျိုးသားပတ်ဝန်းကျင်ထိန်းသိမ်းရေးအေဂျင်စီ (NEA) က စုံစမ်းစစ်ဆေးမှုတွေ ပြုလုပ်ပြီး အရေးယူလိုက်ပြီဖြစ်ပါတယ်။ အဆိုပါအမျိုးသားဟာ လူအများအသုံးပြုတဲ့ လှေကားထစ်မှာ အညစ်အကြေးစွန့်ပစ်ခဲ့တာကို အိမ်နီးနားချင်းတစ်ဦးရဲ့ CCTV ကနေတစ်ဆင့် အထင်အရှား မြင်တွေ့ခဲ့ရတာ ဖြစ်ပါတယ်ရှင်။ NEA ဟာ အဆိုပါပြစ်မှုကျူးလွန်သူကို ရှာဖွေဖော်ထုတ်နိုင်ခဲ့ပြီး ၂၀၂၆ ခုနှစ်၊ မတ်လ ၂၇ ရက်နေ့မှာ အမှု ၃ ခုနဲ့ အရေးယူခဲ့ပါတယ်။ အများပြည်သူနဲ့ သက်ဆိုင်တဲ့နေရာမှာ ဆီးနဲ့ မစင်စွန့်မှု အမှု ၂ ခုအပြင်၊ ဆေးလိပ်သောက်ခွင့် ပိတ်ပင်ထားတဲ့ နေရာမှာ ဆေးလိပ်သောက်ခဲ့တဲ့ အမှု ၁ ခု၊ စုစုပေါင်း အမှု ၃ ခုအတွက် ဒဏ်ငွေ စုစုပေါင်း စင်ကာပူဒေါ်လာ ၈၀၀ ပေးဆောင်စေခဲ့ပါတယ်။
