တောင်ကိုရီးယားနိုင်ငံ၊ဆိုးလ်မြို့တော်အစိုးရက အိမ်ထောင်သည် ရွှေ့ပြောင်းနေထိုင်သူများအတွက် အခမဲ့ ကျန်းမာရေးစစ်ဆေးမှု အစီအစဉ်များကို တိုးမြှင့်ဆောင်ရွက်

တောင်ကိုရီးယားနိုင်ငံ၊ ဆိုးလ်မြို့တော်အစိုးရသည် မြို့တော်အတွင်းရှိ အိမ်ထောင်သည် ရွှေ့ပြောင်းနေထိုင်သူများ (Marriage Migrants) ၏ ကျန်းမာရေးစောင့်ရှောက်မှုကို ပိုမိုကောင်းမွန်စေရန်အတွက် အခမဲ့ ကျန်းမာရေးစစ်ဆေးပေးမည့် အစီအစဉ်ကို တိုးမြှင့်လုပ်ဆောင်နေကြောင်း ဧပြီလ ၇ ရက်နေ့တွင် ထုတ်ပြန်ခဲ့သည်။ အဆိုပါအစီအစဉ်အရ Hallym University Kangnam Sacred Heart ဆေးရုံနှင့် ပူးပေါင်းကာ ဝင်ငွေနည်းပါးသော အိမ်ထောင်သည် ရွှေ့ပြောင်းနေထိုင်သူ ၈၀ ဦးကို အစာအိမ်မှန်ပြောင်းကြည့်ခြင်း၊ ရင်သားကင်ဆာနှင့် သားအိမ်ခေါင်းကင်ဆာ စစ်ဆေးခြင်း အပါအဝင် ဆေးစစ်ချက် အမျိုးပေါင်း ၂၃ မျိုးကျော်ကို အခမဲ့ ဆောင်ရွက်ပေးမည်ဖြစ်သည်။ အထူးသဖြင့် ဘာသာစကား အခက်အခဲရှိသူများအတွက် ဗီယက်နမ်၊ တရုတ်နှင့် မွန်ဂိုလီးယား ဘာသာစကားများဖြင့် ဆေးဘက်ဆိုင်ရာ စကားပြန်ဝန်ဆောင်မှုများကိုပါ ထည့်သွင်းပေးထားပြီး၊ နောင်တွင် အခြားဘာသာစကားများကိုပါ တိုးချဲ့သွားရန် စီစဉ်နေသည်။ ဤလုပ်ဆောင်ချက်သည် နိုင်ငံခြားသား မိသားစုဝင်များအနေဖြင့် ကိုရီးယားလူ့အဖွဲ့အစည်းအတွင်း ကျန်းမာပျော်ရွှင်စွာ အခြေချနေထိုင်နိုင်ရန် ရည်ရွယ်ခြင်းဖြစ်သည်။