အောင်မြေသာစံမြို့နယ်တွင် မီးဘေးကြိုတင်ကာကွယ်ရေးနှင့် 191 Report App အသုံးပြုနည်းများ ကွင်းဆင်းအသိပညာပေး

မန္တလေးတိုင်းဒေသကြီး၊ အောင်မြေသာစံမြို့နယ်၊ အမရဌာနီအနောက်ရပ်ကွက်ရှိ အကွက်အမှတ် (၅၁) တွင် မီးဘေးလုံခြုံရေးအတွက် မန္တလေးတိုင်းဒေသကြီး မီးသတ်ဦးစီးမှူး ဦးဆောင်သော သန္ဓေနှင့် အရန်မီးသတ်တပ်ဖွဲ့ဝင်များသည် ၂၀၂၆ ခုနှစ်၊ ဧပြီလ ၇ ရက်နေ့ နံနက် ၉ နာရီခွဲအချိန်တွင် ကွင်းဆင်းဆောင်ရွက်ခဲ့ကြသည်။ အဆိုပါအဖွဲ့သည် ရပ်ကွက်အတွင်းရှိ နေအိမ်များသို့ တစ်အိမ်တက်ဆင်း မီးဘေးကြိုတင်ကာကွယ်ရေး စစ်ဆေးမှုများပြုလုပ်ခြင်း၊ မီးသတိပေးလက်ကမ်းစာစောင်များ ဖြန့်ဝေခြင်းတို့အပြင် ပြည်သူများ၏ လက်ကိုင်ဖုန်းများအတွင်း "191 Report Application" ကို ထည့်သွင်းပေးကာ အရေးပေါ်အခြေအနေတွင် အသုံးပြုပုံများကိုပါ အသေးစိတ်ရှင်းလင်း ပြောကြားခဲ့ကြောင်း သိရှိရပါသည်။