Surat Thani ရေနံသိုလှောင်ရုံများသို့ ပို့ဆောင်သည့် စက်သုံးဆီ လီတာ ၅၇ သန်း ပျောက်ဆုံးနေ

ထိုင်းနိုင်ငံတောင်ပိုင်း Surat Thani ပြည်နယ်ရှိ ရေနံသိုလှောင်ရုံ ၆ ခုသို့ ဆီတင်သင်္ဘောများဖြင့် အကြိမ်ပေါင်း ၉၆ ကြိမ် ပို့ဆောင်ရာတွင် ရှိရမည့်ပမာဏထက် စက်သုံးဆီ လီတာ ၅၇ သန်းခန့် လျော့နည်းပျောက်ဆုံးနေကြောင်း စုံစမ်းစစ်ဆေးတွေ့ရှိရသဖြင့် အထူးစုံစမ်းစစ်ဆေးရေးဦးစီးဌာန (DSI) က အထူးအမှုအဖြစ် လက်ခံကာ War Room တည်ထောင်၍ ထောက်ပံ့ရေးကွင်းဆက်တစ်ခုလုံးကို စစ်ဆေးလျက်ရှိသည်။ ပျောက်ဆုံးသွားသည့် ဆီပမာဏမှာ ထိုင်းနိုင်ငံ၏ တစ်ရက်စာ ဒီဇယ်သုံးစွဲမှုနှင့် နီးပါးတူညီနေပြီး သယ်ယူပို့ဆောင်ရေးလမ်းကြောင်းတွင် မှောင်ခိုထုတ်ခြင်း သို့မဟုတ် တမင်နှောင့်နှေးအောင်လုပ်၍ သိုလှောင်ထားခြင်းဖြစ်နိုင်သည်ဟု သံသယရှိနေကာ၊ ဝန်ကြီးချုပ် Anutin Charnvirakul ကလည်း ဆီသိုလှောင်ထားသူများကို အရေးပေါ်နှိမ်နင်းရန်နှင့် ပတ်သက်ဆက်နွှယ်သူအားလုံးကို ဥပဒေအရ အပြင်းထန်ဆုံး အရေးယူရန် ညွှန်ကြားထားကြောင်း သိရှိရပါသည်။