ထိုင်းမင်းသမီးကို ကူညီဖို့ရောက်လာပြီးနောက် လိင်ပိုင်းဆိုင်ရာ စော်ကားခဲ့တဲ့ ကယ်ဆယ်‌ရေးသမားကို ဖမ်းဆီးထား

ဆေးဝါးဓာတ်မတည့်မှုကြောင့် ခုခံနိုင်စွမ်းမရှိဖြစ်နေသည့် ထိုင်းမင်းသမီး Christine Gulasatree Michalsky ကို ၎င်း၏ကွန်ဒိုအခန်းအတွင်း လိင်ပိုင်းဆိုင်ရာစော်ကားခဲ့သည့် ကယ်ဆယ်ရေးဝန်ထမ်းဟောင်း Nikorn (၃၄ နှစ်) ကို ထိုင်းရဲတပ်ဖွဲ့က ဖမ်းဆီးလိုက်ပြီဖြစ်သည်။ အဆိုပါဖြစ်စဉ်မှာ ၂၀၂၆ ခုနှစ်၊ မတ်လ ၃၁ ရက် နံနက်အစောပိုင်းက ဖြစ်ပွားခဲ့ခြင်းဖြစ်ပြီး၊ မင်းသမီးမှာ အသက်ရှူရခက်ခဲကာ မလှုပ်ရှားနိုင်ဘဲ သတိရှိနေစဉ်အတွင်း သံသယရှိသူက အဝတ်အစားများချွတ်၍ မလျော်မကန်ပြုမူခြင်းနှင့် ဓာတ်ပုံရိုက်ယူခြင်းများ ကျူးလွန်ခဲ့ခြင်းဖြစ်သည်။ ဧပြီလ ၁ ရက်တွင် မင်းသမီးကိုယ်တိုင် Khlong Tan ရဲစခန်း၌ ထွက်ဆိုချက်ပေးခဲ့ပြီးနောက် CCTV မှတ်တမ်းများအရ သံသယရှိသူကို ဖမ်းဆီးနိုင်ခဲ့ခြင်းဖြစ်ကာ၊ ၎င်းကလည်း ပြစ်မှုကျူးလွန်ကြောင်းနှင့် ဓာတ်ပုံရိုက်ယူခဲ့ကြောင်း ဝန်ခံထားသည်။ မင်းသမီးက လျော်ကြေးငွေထက် တရားမျှတမှုအတွက် အမှုကို အဆုံးထိရင်ဆိုင်သွားမည်ဖြစ်ပြီး၊ ကျူးလွန်သူတစ်ဦးတည်းကြောင့် ကျန်ကယ်ဆယ်ရေးဝန်ထမ်းများကို အထင်မလွဲစေလိုကြောင်း ပြောကြားထားကာ သံသယရှိသူအား ဧပြီလ ၃ ရက်တွင် ရမန်ယူ၍ ဆက်လက်အရေးယူသွားမည်ဖြစ်ကြောင်း သိရှိရပါသည်။