ဗီယက်နမ်နိုင်ငံ၊ဒါနန်းမြို့လယ်တွင် လူသွားလမ်းပလက်ဖောင်းများ ပြန်လည်ရှင်းလင်းလာသော်လည်း ဆင်ခြေဖုံးရပ်ကွက်များ၌ ကျူးကျော်မှုများ ဆက်ရှိနေဆဲဖြစ်

ဗီယက်နမ်နိုင်ငံ၊ ဒါနန်းမြို့အာဏာပိုင်များက လူသွားလမ်းပလက်ဖောင်းများပေါ်တွင် စနစ်တကျရှိစေရန် စည်းကမ်းကြပ်မတ်မှုများ လုပ်ဆောင်ခဲ့ရာ ဟိုင်ချောင် (Hai Chau) နှင့် ဆွန်ထရာ (Son Tra) ကဲ့သို့သော ခရီးသွားစည်ကားရာ မြို့လယ်ဒေသများတွင် ဆိုင်ခန်းများက စားပွဲ၊ ကုလားထိုင်နှင့် ဆိုင်းဘုတ်များကို ဖယ်ရှားပေးခဲ့ကြသဖြင့် လမ်းများပိုမိုရှင်းလင်းလာသော်လည်း၊ သန့်ခေး (Thanh Khe) နှင့် ကမ်လီ (Cam Le) ကဲ့သို့သော ဆင်ခြေဖုံးရပ်ကွက်များရှိ လမ်းမအချို့တွင်မူ ဆိုင်ပစ္စည်းများနှင့် ဆိုင်ကယ်ရပ်နားမှုများကြောင့် လူသွားလမ်းများ ပိတ်ဆို့နေဆဲဖြစ်ကြောင်း ဧပြီလ ၂ ရက်နေ့ သတင်းများအရ သိရသည်။ အစိုးရအနေဖြင့် မတ်လအတွင်းက အသိပညာပေးကာလအဖြစ် သတ်မှတ်ခဲ့ပြီး ဧပြီလ ၁ ရက်နေ့မှစတင်ကာ လူသွားလမ်းနှင့် ယာဉ်ရပ်နားစခန်းများကို မျဉ်းများတား၍ စနစ်တကျခွဲခြားသတ်မှတ်ပေးလျက်ရှိရာ၊ လိုက်နာမှုမရှိဘဲ ဆက်လက်ကျူးကျော်နေသူများကို ပြင်းထန်စွာ အရေးယူအပြစ်ပေးသွားမည်ဖြစ်ကြောင်းလည်း ထုတ်ပြန်ထားပါသည်။