မြေပဲဓာတ်မတည့်ခြင်းကိုချေဖျက်နိုင်မည့်လက်နက် တံတွေးထဲ၌တွေ့ရှိ

ပါးစပ်နဲ့ အူလမ်းကြောင်း ပိုးမွှားစနစ်ထဲက ပိုးမွှားငယ်လေးတွေဟာ မြေပဲဓာတ်မတည့်ခြင်းဖြစ်စေတဲ့ အန္တရာယ်ရှိပရိုတိန်းတွေကို ဖယ်ရှားနိုင်စွမ်းရှိတယ်လို့ တွေ့ရှိထားပါတယ်။ Rothia aeria ASV 14171 လို့ခေါ်တဲ့ ဘက်တီးရီးယားဟာ ဓာတ်မတည့်တုံ့ပြန်မှုတွေကို လျှော့ချရာမှာ အထိရောက်ဆုံးဖြစ်နေပါတယ်။ မြေပဲမတည့်ခြင်းအခြေအနေက ပြင်းထန်စွာ အသက်ရှူခြင်းလိုမျိုး အန္တရာယ်အပြင် အသက်အန္တရာယ်အထိပါ ခြိမ်းခြောက်နိုင်တယ်လို့ မက်မာစတာတက္ကသိုလ်မှ လီယမ်ရွန်ဒေါက်က ပြောပါတယ်။ အနောက်နိုင်ငံတွေမှာဆိုရင် လူဦးရေရဲ့ ၂ ရာခိုင်နှုန်းလောက်က မြေပဲမတည့်ခြင်း ခံစားနေရပါတယ်။ မြေပဲမှာပါတဲ့ Ara h 1 နဲ့ 2 တို့က ဓာတ်မတည့်မှု ဖြစ်ပေါ်စေတာဖြစ်ပြီးနောက် ဒီပရိုတိန်းတွေကို ဘယ်ဘက်တီးရီးယားတွေ ချေဖျက်နိုင်မလဲဆိုတာ ဓာတ်ခွဲခန်းကြွက်တွေနဲ့ စမ်းသပ်ခဲ့ကြပါတယ်။