back

မလေးရှားတွင် ဧပြီလမှစတင်၍ ဟင်းသီးဟင်းရွက်ဈေးနှုန်းများ အဆမတန်မြင့်တက်လာနိုင်

Mar 29 • 4:11 AM

breaking-news

မလေးရှား

ပြည်တွင်း

cover

မလေးရှားတွင် ဧပြီလမှစတင်၍ ဟင်းသီးဟင်းရွက်ဈေးနှုန်းများ အဆမတန်မြင့်တက်လာနိုင်

အနောက်အာရှ (Middle East) ဒေသတွင်းစစ်ပွဲများကြောင့် ကမ္ဘာ့ကုန်သွယ်ရေး၏ အရေးပါသော ဟော်မုဇ်ရေလက်ကြား (Strait of Hormuz) တွင် သယ်ယူပို့ဆောင်ရေး အခက်အခဲများဖြစ်ပေါ်န...

အနောက်အာရှ (Middle East) ဒေသတွင်းစစ်ပွဲများကြောင့် ကမ္ဘာ့ကုန်သွယ်ရေး၏ အရေးပါသော ဟော်မုဇ်ရေလက်ကြား (Strait of Hormuz) တွင် သယ်ယူပို့ဆောင်ရေး အခက်အခဲများဖြစ်ပေါ်နေပြီး၊ ယင်း၏ရိုက်ခတ်မှုကြောင့် မလေးရှားနိုင်ငံတွင် ဧပြီလမှစတင်ကာ ဟင်းသီးဟင်းရွက်ဈေးနှုန်းများ မြင့်တက်လာတော့မည်ဟု လယ်သမားများနှင့် ကုန်သည်များက သတိပေးထားကြောင်း သိရသည်။ မလေးရှားနိုင်ငံသည် စိုက်ပျိုးရေးသုံး မြေသြဇာတင်သွင်းမှု၏ သုံးပုံတစ်ပုံခန့်ကို အဆိုပါရေလက်ကြားမှတစ်ဆင့် တင်သွင်းနေရခြင်းဖြစ်ရာ၊ ယခုအခါ မြေသြဇာဈေးနှုန်းများမှာ တစ်တန်လျှင် ရင်းဂစ် ၃၀၀ ခန့် (RM 3,800 မှ RM 4,100 သို့) မြင့်တက်လာမည့်အပြင်၊ မတ်လ ၂၈ ရက်နေ့တွင် ဟာရီရာယာပွဲတော်ကာလ ကုန်ဈေးနှုန်းထိန်းချုပ်မှု အစီအစဉ်ပြီးဆုံးသွားခြင်းကလည်း ဈေးနှုန်းမြင့်တက်မှုကို ပိုမိုမြန်ဆန်စေမည်ဖြစ်သည်။ထို့အပြင် စက်သုံးဆီဈေးနှုန်း (ဒီဇယ်) မြင့်တက်မှုကြောင့် သယ်ယူပို့ဆောင်ရေးနှင့် ထုပ်ပိုးမှုစရိတ်များ ၃၀ ရာခိုင်နှုန်းခန့် တိုးလာမည်ဖြစ်သဖြင့် မုန်ညင်း၊ ခရမ်းချဉ်သီးနှင့် ငရုတ်သီးစသည့် အခြေခံဟင်းသီးဟင်းရွက်ဈေးနှုန်းများမှာ ၅၀ ရာခိုင်နှုန်းအထိ ထိုးတက်သွားနိုင်ကြောင်း သတင်းတွင် ဖော်ပြထားပါသည်။

news-view-count-icon

12