" မြစ်လက်တက်ပေမဲ့ ရေစီးကကြမ်းတယ်" ဇာတ်ကားဖြင့် အမျိုးသားဇာတ်ဆောင်ဆု နေတိုး တစ်ပြေးနေ

မြစ်လက်တက်ပေမဲ့ ရေစီးကကြမ်းတယ်" ဆိုသည့် ဇာတ်ကားဖြင့် ထပ်ဆင့်အကယ်ဒမီနေတိုးက အမျိုးသားဇာတ်ဆောင်ဆုရရှိမည်ဟု ပရိသတ်များက ခန့်မှန်းထားကြသည်။မိမိဘဝကို အနစ်နာခံပြီး တူ၊ တူမများကို အမေလိုတမျိုး၊ ဦးလေးလိုတဖုံ တစ်သက်တာ ထမ်းပိုးစောင့်ရှောက်ခဲ့သည့် နတ်ကတော်အဖြစ် နေတိုးကသရုပ်ဆောင်ထားခြင်းဖြစ်သည်။မြစ်လက်တက်ပေမဲ့ ရေစီးကကြမ်းတယ်" ဆိုသည့် ဇာတ်ကားကို ဒါရိုက်တာ ပီကေ ရိုက်ကူးပြီး ဇာတ်ညွှန်း - ဖြိုးသဉ္ဇာကျော်၊ ဇာတ်လမ်း - ဆောင်းလုလင် တို့ဖြစ်ပြီး ထပ်ဆင့်အကယ်ဒမီ နေတိုး၊ နေမျိုးအောင် ၊ ညီနန္ဒ၊ Vitamin ၊ သံသာညီ ၊ ဗွာဗွား ၊ အထူးဧည့်သည်သရုပ်ဆောင် - အေးဝတ်ရည်သောင်း တို့က ပါဝင်သရုပ်ဆောင်ထားသည်။ထပ်ဆင့်အကယ်ဒမီနေတိုးသည် အမျိုးသားဇာတ်ဆောင်ဆု လေးဆုရရှိထားပြီး ယခုတစ်ကြိမ်ထပ်မံရရှိပါက ၅ ထပ်ကွမ်းအကယ်ဒမီဆုရှင်ဖြစ်မည်ဖြစ်သည်။