မြန်မာကို EU က လူသားချင်းစာနာမှု အကူအညီ ယူရို ၆၃ သန်း ထောက်ပံ့

ဥရောပသမဂ္ဂ (EU) သည် မြန်မာနိုင်ငံအတွင်းရှိ ပဋိပက္ခဒဏ်ခံ ပြည်သူများနှင့် အိမ်နီးချင်းနိုင်ငံများတွင် ရောက်ရှိနေသည့် ဒုက္ခသည်များအား ကူညီရန်အတွက် လူသားချင်းစာနာမှုဆိုင်ရာ ရန်ပုံငွေ ယူရို ၆၃ သန်းကို ထောက်ပံ့ပေးလိုက်ကြောင်း ဖေဖော်ဝါရီ ၂ ရက်တွင် ထုတ်ပြန်ခဲ့သည်။ အဆိုပါ ရန်ပုံငွေအနက် ယူရို ၃၈.၆ သန်းကျော်ကို မြန်မာနိုင်ငံအတွင်းရှိ နေရပ်စွန့်ခွာရသူများ၏ စားနပ်ရိက္ခာ၊ ကျန်းမာရေးနှင့် အရေးပေါ်ပညာရေးတို့အတွက် အသုံးပြုမည်ဖြစ်ပြီး၊ ယူရို ၂၃.၄ သန်းကို ဘင်္ဂလားဒေ့ရှ်ရှိ ရိုဟင်ဂျာဒုက္ခသည်များအတွက်လည်းကောင်း၊ ကျန်ယူရို ၁ သန်းကို အိန္ဒိယ၊ ထိုင်း၊ မလေးရှားနှင့် အင်ဒိုနီးရှားရှိ ဒုက္ခသည်များအတွက်လည်းကောင်း ခွဲဝေပေးသွားမည်ဖြစ်သည်။ ဤအကူအညီများကို ကုလသမဂ္ဂအေဂျင်စီများနှင့် နိုင်ငံတကာအဖွဲ့အစည်းများမှတစ်ဆင့် ပေးအပ်သွားမည်ဖြစ်ကာ၊ မြန်မာနိုင်ငံတွင် အကူအညီလိုအပ်သူ ၁၆ သန်းကျော်ရှိနေချိန်၌ EU က ယခုကဲ့သို့ ဆက်လက်ပံ့ပိုးပေးခြင်းဖြစ်ကြောင်း သိရှိရပါသည်။